Wir graff Donat von Tokenburg¹ graff ze Thafâus² vnd ze Brettengo^e3 kúnden vnd veriehen offenlich an disem brieff allen den, die in || sehent oder ho^erent lesen, das fúr v´ns kam ze Liehtenstaig⁴, do wir ze geriht sassent, die beschaiden frow Anna Fu^eglin Johansen des Gna^epsers || burgers ze sant Gallen êlichi wirtinne mit dem selben irem êlichen man, vnd die selb fro Anna offnote offenlich vor v´ns in dem ge||rihte mit irem fúrsprechen vnd sprach, si wolti disú nachgeschribnen gu^eter gelegen ze Lo^vmas⁵, das gůt das Růdolff Walawiller buwt, das gůt das Berschi Sigi buwt, das gůt das der Rich buwt, vnd vss des Bu^elmans vnd des Ru^edlingers gu^eter ze Lo^vmas drú viertal kernen ain malter haber Wiler⁶ messes vnd fúnfthalben schilling pfenning Costentzer múnse ia^erliches geltes, dú selben gu^eter von v´ns ir lehen wa^erint, dem selben Johansen Gna^epser irem êlichen man v^ffgeben vnd zů sinen handen vertgen, vnd batt v´ns mit irem fúrsprechen ze erfarenn an ainer vrtail, wie si das tůn so^elt vnd mo^eht, das es krafft hêtt nâch dem rehten nv vnd hienach. Do frâgtent wir vrtail vmb vnd wart ertailt mit gemainer vrtail, das si mit des selben ir elichen mannes willen ainen vogt nêmen so^elt an dem ring, wen si wolti, vnd das si der ze drien mâlen vss des gerihtes ring fu^eren so^elt vnd si frâgen, ob si das willeklich vnd gern ta^et, vnd das si o^vch dann mit ir vnd mit des selben ir vogtes hant dú vorgeschriben gu^eter in v´nser hant v^fgeben solti vnd mich sú bitten lihen dem obgenanten Johansen Gna^epser irem êlichen man ze lehen, vnd wenne das also bescha^eh, das es dann wol krafft hêtt nach dem rehten nu vnd hienach. Do nam si mit des obgenanten ir elichen mannes gůtem willen vnd gunst hierúber ze vogt Hainrichen von Lûterberg⁷ irn o^ehen, der selbe ir vogt fůrt si ze drien mâlen vss des gerihtes ring, als ertailt wart, vnd frâgte si ze ieklichem mâl besunder, ob si es willeklich vnd gern ta^et vnd tůn wo^elti, der selb ir vogte saite o^vch vff den ait, das si spra^echi, das si es willeklich vnd gern vnd vnbetwungenlich ta^et vnd tůn wolti, vnd do ze stêtt do gab die selb fro Anna des obgenanten Johansen Gna^epsers elichi wirtinne mit ir vnd mit des obgenanten Hainrichs von Lûterberg ir erkornen vogtes hant dú vorgeschriben gu^eter a^ellú, als si da vor an disem brieff benemt vnd geschriben stant, mit allen rehten nútzen vnd gewonhaiten vnd mit aller zůgeho^erde frilich vnd willeklich an v´nser hant v^f vnd batte v´ns, dú selben gu^eter lihen dem obgenanten Johansen dem Gna^epser irem êlichen man mit allen rehten vnd zůgeho^erden ze rehtem lehen. Do erhorten wir ir ernstlich bett vnd lúhent vnd lihent mit disem brieff dú vorgeschriben gu^eter a^ellú, als si davor an disem brieff benemt vnd geschriben stant, mit allen rehten nútzen vnd gewonhaiten vnd mit aller zůgeho^erde dem obgenanten Johansen Gna^epser ze rehtem lêhen, vnd verzêh sich o^vch do die selb fro Anna des obgenanten Johansen Gna^epsers êlichi wirtinne mit ir vnd mit des obgenanten ir vogtes hant an v´nser hant frilich vnd willeklich vnd verzihet sich mit disem brief gantzlich vnd gar fúr sich vnd ir erben aller aigenschaft aller lehenschaft aller kuntschafft aller gewêr lút vnd brieff alles rehtes gaistlichs vnd weltlichs gerihtes aller vordrung vnd ansprâchen, so si ald ir erben an den zů den vnd von der vorgeschribnen gu^eter wegen iê gehatten oder hienach iemer gehaben oder gewinnen mo^ehtin. Vnd ist dis alles beschehen vnd vollefu^ert reht vnd redlich mit allen den worten vnd werken, so nâch gewonhait vnd nâch reht darzů gehortent vnd notdurfftig wârent vnd als mit gemainer vrtail vor v´ns ertailt wart, das es billich nû vnd hienach krafft vnd maht sol vnd mag haben. Vnd des ze offemm wâren vrkúnde haben wir graff Donat von Tokenburg da vorgenemt v´nser insigel nâch rehter vrtail gehenkt an disen brieff. Darnach veriehent wir die obgenanten fro Anna des obgenanten Johansen Gna^epsers êlichi wirtinne vnd Hainrich von Luterberg ir o^ehen vnd vogt, als vorgeschriben stât, ain gantz wârhait aller der dinge, so der wolerborne v´nser gna^ediger herre graff Donat von Tokenburg da vorgenemt von v´ns gekúndet vnd veriehen hât an disem brief. Vnd des ze merer sicherhait so habent wir o^vch v´nsrú insigel offenlich gehenkt an disen brief. Der ist geben ze Liehtenstaig an dem na^ehsten fritag nach sant Gregorien tag, do von Cristus gebúrt wârent drúzehenhundert jâr vnd darnach in dem viervndahtzigosten jâre.

Source Fulltext: Chartularium Sangallense X, Nr. 6005, S. 181-182.