Wir die burger dez rats der stat zu^e Nu^eremberg veriehen vnd tu^en ku^ent offenlichen mit disem || brief allen den, die in sehen odir horen lesen, daz wir vnsern lieben bu^ergern frew^enden vnd ratgesellen || Vlman Stromeyr, Bertholt Pfintzing, Jobs Tetzel vnd Conr. dem Haller geben haben vnd geben || in mit kraft ditz briefs fu^er vns vnd die gemain gemainclichen vnser stat zu^e Nu^eremberg gantzen vnd vollen gewalt, vns zu^euereinen zu^e verbinden vnd zuuerstrikken mit den erbern weysen mannen den bu^ergern der rete vnd den gemainen gemainclichen der hernachgeschriben stet Regensburg, Auchsbu^erg, Vlme, Costnitz, Esslingen¹, Rew^etlingen², Rotwil³, Weyl⁴, Vberlingen⁵, Memmingen⁶, Bybrach⁷, Rauensburg⁸, Lindawe⁹, sant Gallen, Pfullendorff¹⁰, Kempten¹¹, Kaw^efbu^ern¹², Lu^etkirchen¹³, Ysny¹⁴, Wangen¹⁵, Puchorn¹⁶, Gemu^ende¹⁷, Halle¹⁸, Heilbrune¹⁹, Nordlingen²⁰, Dienkelspuhel²¹, Rotenburg vff der Tuber²², Wimppfen²³, Weinsberg²⁴, Auln²⁵, Poppfingen²⁶, Gingen²⁷, Puchawe²⁸, Windshein²⁹, Weissenburg³⁰ vnd mit den steten allen, die den pu^ent in Swoben halten, vnd wie sich die egenanten vnser burger mit den selben steten von v^ensern wegen verainen verstrikken vnd verbinden mit eyden oder mit briefen, daz glob wir mit gůten trew^een an eydes stat zůhalten vnd zůuolfu^eren vnd ist vnser guter wille vnd wort gentzlichen ongeuerde. Vnd dez zu einem woren vnd steten vrku^ende geben wir disen brief versigelt mit vnserm anhangendem insigel. Der geben ist an dem samstag nach sant Veyts tag nach Cristus gebu^ert drew^ezehenhundert iar vnd in dem vier vnd achtzigistem jare.

Source Fulltext: Chartularium Sangallense X, Nr. 6022, S. 196-197.