Ich^a) Cůnrat von Sal schulth(eiss) ze Winterthur¹ thůn kunt vnd vergich offenlich, daz fúr mich komen sint V^olrich || der Kamrer burger ze Winterthur vnd Vrena sin eliche husfro^v mit Hainrich ir baider elichem sun, vnd veriahen da || offenlich vor mir fúr sich vnd alle ir erben, daz si ir aigen hus gelegen ze Rapreswile² in der Weber Gassen^b)3 stosset || einhalb an der Lankbeini hus mit aller zů geho^erd habent recht vnd redeliche ze ko^vffenn gegeben Ru^edi Brunneman burger ze Rapreswile vmb sechs vnd zweintzig phund phenng^c) gůter vnd gena^emer Zúrcher múntze, vnd daz si dez selben geltes gewert sien gentzlich vnd gar von dem vorgenanten Ru^edi Brunneman, vnd veriahen o^vch, wa^eri daz den vorgenanten Ru^edi Brunneman oder sin erben iemen sûmte oder irret an dem vorgescribenn hus, daz si da gelopt hant, dem vorgenanten Ru^edi dem Brunneman oder sin erben des vorgescribenn huses^d) wer ze sinne, v´ntz daz si ein gewer vnd ein recht der vorgenanten stat ze Rapreswile da bi schirmet. Vnd des alles zů eim waren offenn vrkúnde, won si aigenr insigel nút habent, so han ich der vorgenant Cůnrat von Sal schulth(eiss) ze Winterthur dur ir bêtte willen mir vnd minen erben vnscha^edlich des gerichtes ze Winterthur insigel offenlich gehenkt an disen brief. Der geben ist ze Winterthur an dem na^echsten zinstag nach der vffart, do waren nach Cristi gebúrte drútzehenhundert vnd achtzig jar vnd darnach in dem vierden jar.

Source Fulltext: Chartularium Sangallense X, Nr. 6014, S. 190-191.