Ich^a) Ital Winhart lantschriber ze Schadbůch¹ vnd ich Cůnrat Winhart der jung sin sun tu^ent kunt vnd veriehent offenlich fúr v´ns vnd v´nser erben mit disem brieff || vor allermenglich, daz wir reht vnd redlich verko^vfft vnd ze ko^vffent geben habint ainez sta^eten vnd ewigen ko^vffez, wie ez wol krafft vnd maht haben || sol vnd mag, dem beschaiden man Hansen Wolfolten burger ze Wangen² vnd sinen erben, ob er enwaer, daz halbtail an disen nachgeschriben gu^etern vnd an || allen rehten nútzen vnd zůgeho^erden, so dar zů vnd dar in geho^ert, zem ersten den sedelhof zem Wofliz³, der dez Hússen selgen waz, den turn den wiger die vischentzen in den ba^echen die tauern daz gůt, daz Ja^eken Pfannerz waz, vnd den schlicher, dú selben gu^eter lehen sint von dem gotzhus von sant Gallen, vnd dar zů ain gu^etli, daz man nemt der hailgen gůt vnd ist reht aigen, dú selben gu^eter habint wir im vnd sinen erben geben jeglichez zem halbtail fúr ledig vnd vnanspraechig mit aller zůgeho^erd, alz vor beschaiden ist, ez sigint aker ald wisan holtz vnd veld waid vnd trat weg vnd steg wasser fliessendez vnd staendez hus vnd hoff hofstat vnd hofraitinen garten eehafftinen vnd aigenschafft benemtz vnd vnbenemtz besůchtz vnd vnbesůchtz vnder erd ob erd vnd habint dar vmb von im enpfangen súben vnd ahtzig pfund allez gůter vnd genger haller, der wir gar vnd gentzlich von im gewert vnd bezalt sint, vnd wan dú vorgenanten gu^eter lehen sint von dem obgenanten gotzhus von sant Gallen, so habint wir im dú selben lehen von dem lehenherren geuergget vnd in sin hand bra^vht mit entzihent mit vff gend vnd nemlich mit allen den dingen, dú darzů nútz vnd notdurfftig sint vnd wie ez krafft vnd maht haben sol vnd mag, alz verre daz wir noch v´nser erben niemmer me zů den obgenanten gůten kainú reht vordrung noch anspra^vch haben sont noch mugent mit dehainem anzik gaistlichez noch weltlichz gerihtz, vnd so^ellint wir vnd v´nser erben sin vnd siner erben vmb den vorgeschriben ko^vff vnd vmb dú vorgeschriben gůt reht geweren sin gen menglich vff gaistlichem vnd weltlichem geriht vmb lehen nach lehenz reht vmb aigen nach aigenz reht, vnd ze merer sicherhait so habint wir im vnd sinen erben zů v´ns vnd v´nsren erben vmb den vorgeschriben ko^vff vnd vmb dú obgenanten gu^eter ze ainem rehten geweren geben vnd gesetzt den beschaiden man Erhart den Vogt burger ze Wangen gen menglich an allen steten vnd gerihten gaistlichen vnd weltlichen, wa vnd wenn ald wie dik sy dez bedurffent vnd notdurfftig sint nach lehenz reht vnd vmb aigen nach aigenz reht mit sollicher beschaidenhait, waer daz dem obgenanten Hansen Wolfolten oder sinen erben der obgenant halbtail der vorgeschriben gu^eter von iemen angeraicht anspra^echig oder mit dem rehten anbehebt wrd vff gaistlichem ald weltlichem geriht gar oder tail, e daz sy ez besezzen hettint ieglichez nach sinem reht, da sont wir vnd v´nser erben in vnd sin erben vnd mit v´ns der obgenant gewer vnd sin erben vmb vertreten vnd versprechen mit dem rehten vnd der anspra^vch a^vn schaden tůn, ta^etint wir dez nit vnd waer, daz sy sich selber dar vmb versprechen mu^estint, wie sy dez versprechentz ze schaden koment, den schaden allen so^ellint wir vnd v´nser erben vnd der obgenant gewer vnd sin erben dem vorbenemten Hansen Wolfolten vnd sinen erben gar vnd gentzlich vss rihten vnd abtůn a^vn allen iren schaden, vnd sol v´ns da vor nit schirmen weder gaistlich noch weltlich geriht noch dehain ander sach noch vsszug. Wir vergehent o^vch fúr v´ns vnd v´nser erben, den obgenanten geweren vnd sin erben von diser gewerschafft ze lo^esent a^vn allen iren schaden iren worten vmb den schaden ze gelo^vbent a^vn aid, vnd dez allez ze offem vnd warem||
vrkúnd habint wir v´nsrú aignú insigel gehenkt an disen brieff. Ich obgenanter gewer||
vergih diser gewerschafft in aller der wise, alz vor von mir beschaiden ist, vnd ze vrkúnd||
ha^vn ich min aigen insigel gehenkt an disen brieff. Der geben ist an sant Gerdrut tag, do man zalt von gotez gebúrt drúzehenhundert jar vnd ahztig jar, dar nach in dem fúnfften jar.

Source Fulltext: Chartularium Sangallense X, Nr. 6062, S. 240-242.