Allen^a) den, die disen brief ansehent lesent oder ho^erent lesen, tůn ich Ital Ohsenhart von || Ohsenhart¹ burger ze Wil² kunt vnd vergich offenlich mit disem brief fúr mich vnd fúr alle || min erben, daz ich mit gůter vorbetrahtung vnd beschaidenhait von miner noturft wegen || redlich vnd recht verko^eft ha^vn ainen akker in dem hof A^erwile³ gelegen, den man nempt der gross akker, des zwo juhart sint, vnd ainen akker in demselben hof hinder der widern gelegen, den man nempt der klain akker, des ain juhart ist, vnd ain wisli stosset an denselben akker, vnd ha^vn die ze koffent geben den erberen lúten Eberlin vnder den Bomen burger^b) ze Liehtenstaig⁴, Adelhaiten siner elichen husfrowen vnd Johansen sinem brůder vnd allen iren erben fúr recht ledig vnd vnanspra^echig aigen vmb vier pfunt gůter vnd genemer Italiger haller, derselben haller ich och gantzlich von inan bezalt bin an den stetten, da ich minen fromen mit geschaffot ha^vn. Vnd dar vmb so ha^vn ich mich entzigen vnd entzieh mich och wissentklich redlich vnd recht mit disem brief fúr mich vnd fúr alle min erben aller aigenschaft aller lehenschaft aller manschaft aller gewer aller kuntschaft alles nutzes aller besatzung aller zúgnúst lút vnd brief alles rechten gaistliches vnd weltliches gerichtes aller vordrung vnd ansprach, so ich ald min erben zů den vorgeschribnen akkern ald zů dem wilsli^c) mit aller zůgeho^erd ie gehetten ald her nach iemer geha^vn gewinnen ald erwerben mo^ehten von recht ald von gewonhait ald von dehainen andren sachen. Ich ha^vn och gelobt vnd loben wissentklich mit disem brief fúr mich vnd fúr alle min erben, der obgenanten akker vnd des wislis mit allen rechten vnd zůgeho^erden fúr recht aigen vnd des koffes recht wer ze sint gen aller menglichem vf gaistlichem vnd vf weltlichem gericht nach aigens recht vnd nach des landes sitt vnd gewonhait, wenn wa ald wie dik sin der obgenant Eberli vndern Bomen, Adelhait sin elichi wirtenn ald Johans sin brůder ald ir erben des bedurfent vnd noturftig sint ald dar vmb vffgetriben vnd mit dem rechten angesprochen werdent in wendig dem zit, alz man aigens wer sin sol nach dem rechten, daz wir sú dar vmb verstan vnd versprechen vnd von der ansprach entrihen vnd ledig machen sont gantzlich a^vn allen iren schaden a^vn geva^erd. Vnd des alles ze offem vrkúnd der warhait so ha^vn ich min insigel offenlich gehenkt an disen brief. Der geben ist ze Wil in der statt an sant Benedictus tag, do man zalt von Cristus gebúrt drúzehenhundert vnd ahtzig jar, dar nach in dem fúnften jar.

Source Fulltext: Chartularium Sangallense X, Nr. 6063, S. 242-243.