Charter: Chartularium Sangallense 10 (1382-1389) 1385 VI 12
Signature: 1385 VI 12
Add bookmark
Edit charter (old editor)
12. Juni 1385, Ulm
Die freie Reichsstadt Basel und 36 Reichsstädte in Schwaben und Franken, darunter St. Gallen und Wil, verpflichten sich gegenüber königlichen Bevollmächtigten zur Herausgabe von Urkunden die Juden betreffend.Source Regest: Chartularium Sangallense X, Nr. 6081, S. 263.
Current repository:
HauptSTA Stuttgart A 602 U 5316.
HauptSTA Stuttgart A 602 U 5316.
Siegel stark besch., wie in Nr. 5942.Material: Pergament
Dimensions: 74/42,5 cm
Wira) die von Basel ain frygiv stat vnd ouch wir dez hailigen Roemischen richs stette gemainlich Augspurg, Nuerenberg, Vlme, Costentz, Eszlingen, Rútlingen, Rotwile, Wil, V´berlingen, Memmingen, Bibrach, Ravenspurg, Lindow, sant Gallen, Pfullendorff, Múlnhusen, Kempten, Koufbúrren, Livtkirch, Isni, Wangen, Noerdlingen, Rotenburg vff der Tuber, || Gemúnde, Halle, Hailtprunnen, Dinkelspúhel, Wintzhain, Wissenburg, Winpfen, Winsperg, Giengen, Aulen, Pophingen, Wile in Turgoew, Bůchorn vnd Bůchow, die den bund mit ainander halten in Swauben vnd in Franken, bekennen offenlich mit disem brief allen den, die in ansehent oder hoerent lesen, daz wir mit dem durluechtigen || hochgebornen fúrsten vnd herren hertzog Fridrich von gottes genaden pfallentzgraufen by Rine vnd hertzog in Baygern vnd ouch dem hochwirdigen fúrsten hern Niclausen von gottes gnaden bischoff dez bistůms ze Costentz vnd ouch mit den edlen lantgrauf Hansen zům Lúhtenberg vnd grauf zů Halse, hern Hainrich von der || Tuben vnd hern Volrich von Hohenloch von dez gewaltz wegen, den in der aller durchlúhtigost fúrst vnd herre her Wentzlaw von gottes gnaden Roemischer kúnig zů allen ziten merrer dez richs vnd kúnig ze Beheim vnser gnedigoster herre empfolhen hat ainer taeding von der juden wegen, die bi vns seszhaft sind, dez vorgenanten vnsers herren dez kunigs kamerknechte, úberain komen sien nach dez taedingbriefs vnd ander brief lut vnd sag, die alle ze samen in ainen brief geschriben sind vnd die vns die obgenanten vnser herren versigelt vnd gegeben hand vnd die von wort ze wort also geschriben stand: ||
Es folgt der Text von Nr. 6080.||
Bekennen wir vorgenanten stette, won daz ist, daz v´ns die egenanten brieff von dem egenanten vnserm herren dem kúnig also worden vnd geantwurt sind in der wise, alz vorgeschriben stat, vnd ouch vns disen gegenwúrtigen vnsern brieff wider antwurtent, so súllen wir denne vnuerzogenlich dem vorgenanten vnserm herren dem Roemischen kúnig oder wem er daz empfilhet die gewaltz brief, die er den vorgenanten vnsren herren gegeben hat vnd die si vns ingeantwurt hand, widergeben vnd súllen ouch in danne wider antwúrten vnd geben den taedings briefs, den si vns mit iren angehenkten insigeln gegeben hand, vnd sunderlich súllen wir dem vorgenanten vnserm herren dem kúnig oder wem er daz empfilhet den schuldbrief vmb die viertzig tusend guldin vff die selben zit ouch antwurten vnd geben mit allen den worten vnd artikeln, alz hie vorgeschriben ist, vnd sol der versigelt sin mit der von Augspurg, von Núrenberg, von Vlme, von Kostentz, von Eszlingen vnd von Rotenburg uff der Tuber angehenkten insigeln. Mit vrkúnd dis briefs, daran die von Vlme von vnser aller stette haissens wegen ir stat insigel offenlich gehenkt hand. Der geben ist ze Vlme dez vorgeschriben nechsten mentags vor sant Vitz tag, do man zalt von Cristz gebúrt drivzehenhundert jaur vnd darnach in dem fúnff vnd achtzigostem jaur.
Es folgt der Text von Nr. 6080.||
Bekennen wir vorgenanten stette, won daz ist, daz v´ns die egenanten brieff von dem egenanten vnserm herren dem kúnig also worden vnd geantwurt sind in der wise, alz vorgeschriben stat, vnd ouch vns disen gegenwúrtigen vnsern brieff wider antwurtent, so súllen wir denne vnuerzogenlich dem vorgenanten vnserm herren dem Roemischen kúnig oder wem er daz empfilhet die gewaltz brief, die er den vorgenanten vnsren herren gegeben hat vnd die si vns ingeantwurt hand, widergeben vnd súllen ouch in danne wider antwúrten vnd geben den taedings briefs, den si vns mit iren angehenkten insigeln gegeben hand, vnd sunderlich súllen wir dem vorgenanten vnserm herren dem kúnig oder wem er daz empfilhet den schuldbrief vmb die viertzig tusend guldin vff die selben zit ouch antwurten vnd geben mit allen den worten vnd artikeln, alz hie vorgeschriben ist, vnd sol der versigelt sin mit der von Augspurg, von Núrenberg, von Vlme, von Kostentz, von Eszlingen vnd von Rotenburg uff der Tuber angehenkten insigeln. Mit vrkúnd dis briefs, daran die von Vlme von vnser aller stette haissens wegen ir stat insigel offenlich gehenkt hand. Der geben ist ze Vlme dez vorgeschriben nechsten mentags vor sant Vitz tag, do man zalt von Cristz gebúrt drivzehenhundert jaur vnd darnach in dem fúnff vnd achtzigostem jaur.
Source Fulltext: Chartularium Sangallense X, Nr. 6081, S. 263-264.
Original dating clause: dez vorgeschriben nechsten mentags vor sant Vitz tag
Editions:
- RTA I, 270. - Ruser III, 1836.
Comment
Zur Sache und zu den Namen vgl. Nr. 6080.Language:
Notes:
a) Initiale W 8,5/5,5 cm.
Places
- Ulm
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
