Wir^a) der burgermaister der rât vnd die burger alle gemainlich der stat ze sant || Gallen veriehent vnd tu^en kunt offenlich mit disem brief fúr v´ns fúr v´nser erben || vnd nachkomen allen den, die in sehent lesent oder ho^erent lesen, als der erbern wol||beschaidnen Johansen vnd Cůnratz der Ko^echler gebrůder v´nser mitburger hus ainhalb sto^vsset an v´nsern brotmarkt vnd anderthalb an das ga^essli nebent V^olrich Ortwins hus, das selb hus sú von irem vatter sa^elgen an erstorben ist, da veriehen vnd bekennen wir ainhelleklich, das die mûr des selben huses, als si an den selben v´nsern brotmarkt sto^vsset, der vorgenemten Johansen vnd Cůnratz der Ko^echler ist vnd das die selb mûr zů dem selben irem hus gantzlich vnd aigenlich geho^ert vnd das wir noch v´nser erben noch nâchkomen in die selben mûr noch darv^f niht varen noch howen noch brechen so^ellin in kain wîse, es bescheh denne mit iro ald iro erben, ob si enwa^erint, ald mit iro nâchkomen gůtem willen gunst vnd verhengde. Vnd des ze offemm wâren vrkúnde haben wir v´nser stat haimlich insigel fúr v´ns vnd fúr v´nser erben vnd nâchkomen offenlich gehenkt an disen brief. Der ist geben ze sant Gallen an dem na^ehsten fritag vor sant Agnesen tag, do von Cristus gebúrt wârent drúzehenhundert jar vnd darnach in dem sehs vnd ahtzigosten jâre.

Source Fulltext: Chartularium Sangallense X, Nr. 6125, S. 316.