Ich^a) V^olrich von Kúngsegg ritter herr V^olrichs von Kúngsegg ritters wilent elicher sûn tůn kunt vnd vergich || mit vrkund diss brieues, als herr Eberhart von Kúngsegg comentúr des Túschen huses in der Mayenow || min brůder dem hochwirdigen fúrsten abt Cůnen des gotzhuses ze sant Gallen ainer lo^vsung vmb || alle die zins nútzze vnd gu^eter, wie die genant sint, die er ze Berg, ze Lúmenswille vnd ze Túnbach gehept hatt, die sin pfand von mines ietzgenanten vatters sa^elgen ordnung vnd bewisung vmb zwaintzig vnd vier^b) mark silbers von dem hailgen Ro^emschen rich gewesen sint, gestattot hatt vnd im die selben zins nútzze vnd gu^eter vmb die vorgescribnen zwaintzzig vnd vier^b) mark silbers ze lo^esenn geben hatt, sol man wissen, das die selb losung mit miner wissenn gunst getat verhengnust vnd gůtem willen beschehen ist. Darumb so verzihe ich mich fúr mich vnd alle min erben alles rechtes vordrung vnd ansprach, die ich oder min erben zů den obgescribnen zinsen nútzzen vnd gu^etern ze Berg, ze Lúmenswille vnd ze Túnbach, wie die genant sint, vnd zů ||
den obgenanten zwaintzzig vnd vier^b) mark silbers gehept han oder hie nach iemer gewúnen mo^echt, die niemer me ân ze sprechenn noch ze vordrenn, gentzlich mit disem brief in kainen weg. Vnd wa^er, dz kain brief von mir minen erben oder von ieman anders von des ietzgenanten pfandes wegen hie nach iemer fûnden oder vsgezôgen werdent, die sont kraftlôs tôd vnd ab mir vnd minen erben vnnútzze vnd dem egenanten abt Cůnen sinen nachkomen vnd dem gotzhus ze sant Gallen allenklich nû vnd hie nach gentzlich vnscha^edlich sin, vnd sagen si darumb vmb a^elli disú stukk gentzlich ledig quit vnd los mit disem brief, vnd loben fúr mich vnd min erben, wider disen brief vnd wider dis alles niemer ze tůn noch schaffen getan weder mit worten noch mit werken mit ra^eten noch geta^eten mit gericht noch ane gericht, si sygent gaistlich oder weltlich, noch gemainlich mit enkainen ding sach fúnd noch vszúg, die ieman vinden oder vsziehen mo^echt in kainen weg. Vnd verzihe mich dar zů aller brieuen alles rechten fryheiten vnd gnaden der ba^epsten der kaysern der kúngen der fúrsten der herren der stetten vnd des landes alles burgrechtes aller buntnúst vnd geselschaft, da mit oder mit der helf ich oder min erben da wider getůn mo^echtent in kain wis. Des ze warem offem vrkúnd so han ich fúr mich vnd alle min erben min aigen insigel offenlich gehenkt an disen brief. Der geben ist an dem na^esten fritag vor sant Vrbanus tag, do man zalt von Cristus gebúrt tusent drúhundert achtzzig vnd sechs jar.

Source Fulltext: Chartularium Sangallense X, Nr. 6142, S. 333-334.