Wir die von Regenspurg vnd wir die von Basel zwo frye stete vnd ouch wir des heilgen Ro^emschen richs stette mit namen Ougspurg, Nu^erenberg, Costentz, Vlm, Esselingen, Rútlingen, Rotwil, Wil, V´berlingen, Me(m)ningen, Bybrach, Rauenspurg, Lindow, sant Gallen, Kempten, Koufbrunne, Lútkilch, Ysni, Wangen, Pfullendorff, Bůchorn, No^erdlingen, Dinkelsbúhel, Rotenburg vff der Tuber, Bopfingen, Alun, Geimúnd, Halle, Heilbrun, Winpfen, Winsperg, Wintzhein, Wissenburg, Gingen, Půchaw, Swinfurt in Franken vnd Múlhusen in Elsaß bekennent vnd tůn kunt offenlich mit disem brief, als wir vormals dem allerdurlúchtigosten fúrsten vnd herren hern Wenczlawen Ro^emschen kv´nnig ze allen ziten merer des richs vnd kúnng zů Beheim vnserm lieben gnedigen herren gehuldet vnd gesworn haben als v´nserm herren einem Ro^emschen kv´nig zů kúnftigen ziten keyser, darumb der selben vnser huldung nach ze volgen vnd gnůg ze tůn, so haben wir v´ns gen dem egenanten vnserm herren dem kv´nig des verbunden, ob daz were, das sich iemant, wer der were, fúr einen Ro^emschen kv´ng vfwerffen wolt vnd den selben vorgenanten v´nsern gnedigen herren den kv´nig von dem kúngrich dringen wolt, daz wir ym denne gen dem selben getrvwelichen súllen vnd wellen geraten beholffen vnd bistendig sin in disen Tútzschen landen hie disent des gebirges ane alle argelist ongeuerde vsgenommen Regenspurg vnd Basel als zwo frye stette, die vormals vnserm herren dem kv´ng nicht gesworn haben als die vorgenanten des richs stette, doch das Regenspurg vnd Basel die vorgeschriben tegding vnd hilff halten vnd vollefu^eren so^ellen als ander die vorgenanten des richs stette. Vnd des ze vrkúnd geben wir dem vorgenanten vnserm gnedigen herren dem kúnig disen brief versigelt^a-) mit vnserr der vorgenanten stet aller anhangenden insigeln. Der geben [. . .]^b) sand Benedicten tag in der vasten nach Kristi gepurd drewczehenhundert [. . .]^b) vnd in dem siben vnd achczigisten jar^-a).

Source Fulltext: Chartularium Sangallense X, Nr. 6175, S. 375.