Wir graf Donat von Toggenburg¹ graue ze Pretengo^ew² vnd ze Tauas³ vergehent vnd tůnd kund mit disem brief, als wir v´ber ain komen sind mit allen ko^vflúten von Mailan vnd von Chum⁴ vnd || sus mit andern koflúten in des herren von Mailan land vnd gebiet, als wir die in v´nsern schirm frid vnd gelait genomen haben nach vrkúnd lut vnd sag des briefez, den si dar vmb von v´ns vnd || von andern herren hand, vnd dar vmb dz die selben kofflút von Mailan vnd von Chum vnd die iren dester fúrderlicher vnd dester friglicher durch v´nser land vnd gebiet gewandlen vnd gewerben mugint || vnd daz si dester bas wissent, wa mit si von v´nsern zo^eln vnd fůrlon komen mugent, darvmb habent wir den selben koflúten von Mailan vnd von Chum vnd allen dien, die in des herren land von Mailan vnd gebiet sesshaft vnd wonhaft sind, verhaissen bi gůten trewen, daz wir nit mer ze zol von in nemen sond ze Maigenveld⁵ denne von aim Engelschen⁶ wollsak acht phening Costenczer múns vnd von aim vardell och acht phening vnd suss von allen andern kofmanschaft, weler laige dz ist, dz sond si v´ns recht vnd redlich verzollen in der mass, als och die Túschen⁷ koflút verzollen, an geverd. Es sond och di selben koflút nit mer geben ze fůrlon von aim Engelschen wolsak von Maigenveld vncz gen Zizirs⁸ denne acht phening Costenczer múns vnd ain phening ze tail Ion ain phening ze sustlon, vnd sond och nit mer gen von aim Engelschen wollsak vnd ze fůrlon von Zizirs vncz gen Chur denne acht phening vnd ain phening ze sustlon, aber sond si nit mer geben von aim Lamparschen⁹ vardell ze fůrlon von Zizirs vncz gen Maigenveld denne acht phening vnd ain phening ze sustlon, aber sond si nit mer geben von aim Lampartschen vardell ze fůrlon von Maigenveld vncz gen Palzirs¹⁰ denne acht phening vnd ain phening von tail Ion ain phening ze sustlon, och was gefůrt wirt von allem andern kofmanschaft dz sond si bezaln, als vnezit her sitt vnd gewonlich ist gewesen, vnd was kofmanschaft gefůrt wirt anderswa durch v´nser land vnd gebiet, dz sond si v´ns recht vnd redlich bezaln, als si bis vnezit her getan hand, vnd also so sond wir si vnd iro knecht gemainlichen vnd sunderlich erberklich bi allen egedachten rechten lassen beliben vnd si da bi schirmen vnd halten vngevarlich nach v´nser vermugent mit gůten trewen ane geva^erd. Des ze vrkúnd vnd sta^eter sicherhait haben wir obgescribner graf Donat von Toggenburg v´nser aigen insygel offenlich gehenkt an disen brief. Der geben ist ze Maigenveld in der jarzal Cristi drúzehenhundert vnd achzig jar, darnach in dem achtoden jar, an dem sunnentag vor sant Margareten tag.

Source Fulltext: Chartularium Sangallense X, Nr. 6277, S. 522.