Wir frow Itt von Tockemburg gra^effinn zu Hohemberg¹ verienhen vnd tůn kunt menglich, das die stifftung vnd ordenung des tůmes zů des hailgen crútz kirchen gelegen am margt ze Horw² mit vnserm Iutern gunst vnd gůten willen zů gangen vnd beschenhen ist, vnd sullen vnd wellen wir vnd alle vnser erben vnd nachkomen die chorherren des egenantes stiftes vnd all ir nachkomen bi der selben ordnung vnd stifftung lassen getru^ewklich beliben nach lutung vnd sag der stifftung brief, so sy dar vmb hand von v´nser herrschaft von O^esterrich vnd ouch von graf Růdolffen von Hohemberg³, vnd si dar an weder hindern noch irren noch schaffen gehindert werden kains wegs a^vn alle geuerd. Des ze vrkund so haben wir v´nser insigel offenlich haissen gehenkt an disen brief. Der geben ist an dem na^ehsten zinstag nach sant Niclaus tag nach Cristz geburt drútzzenhenhundert jar, dar nach in dem acht vnd ahtzigosten jar.

Source Fulltext: Chartularium Sangallense X, Nr. 6297, S. 542.