Wir Wernher¹ habent vffgenomen von Růdolffen Spiser von Spisegg² vnd von Vrsulen siner elichen wirttinen alle ire gůt, die si in der Ow³ hand, es sy hus hoff torggel waiden bomgarten vnd wingarten, des ersten das hus vnd hoffraiti vnd torggel vnd die bomgarten vnd ouch waiden mit aller zůgeho^erd vnd ainen wingarten genant der núsatz, vnd ainen wingarten haisset der bomgart by dem núsatz, vnd ainen wingarten, genant des Schochen gůt, stoßt an Siglis hoff mit aller zůgeho^erd, vnd habent das alles gelihen Johannsen Blarer Gerwigs Blarers saligen sun burger ze Costentz, der es kouft ha^vt vmb fúnffundsibentzig pfund pfennig Costenntzer werung. Datum vt supra dominica Invocavit anno domini MCCC° LXXXIX^no.

Source Fulltext: Chartularium Sangallense X, Nr. 6311, S. 555.