Wir^a) Cůn von gottes gnaden abt des gotzhus ze sant Gallen¹, || das an alles mittel zů geho^ert dem stůl ze Ro^vm, veriehent mit || vrkúnd diz brieues, alz wir den wolbeschaiden V^otzen Schriber || ze den ziten burgermaister ze Lindo^vw² Katherinen Hansen Ma^erken elichen wirtinnen, Elsen vnd Annen ir elichen tohtran ze búrgen geben habent an Albreht von Lindenbergs³ sa^eligen statt, der von todes wegen abgangen ist, nah des hoptbriefs lût vnd sag^b), Katherina, Els vnd Anna ir elichen tohtran darvmb von v´ns vnd vnserm vorgeschribnen gotzhus hand, sol man wissen, das wir mit krafft diz brieues dem selben V^otzen Schriber von der obgeschribnen búrgschafft wegen fúr vns vnd alle vnser nahkomen gebent a^ellú du reht vnd och den gewalt, die och der selb Albreht von Lindenberg sa^elig hatt vnd^c) ander búrgen hand, die wir darvmb gen den vorgenanten Katherinen vnd Elsen vnd Annen ir elichen tohtran versezt habint nach lút vnd sag der brief, die darvmb geben sint vnd hinder Haintzen Pfanner burger ze Wangen⁴ ligent. Vnd des ze warem vnd offnem vrkúnd dirre ding haben wir abt Cůn da obgenant vnser insigel offenlich gehenkt an disen brief. Der geben ist an dem na^ehsten zinstag vor vnsers herren fro^vnlichamen tag in dem jar, do man zalt von Cristi gebúrt tusent drúhundert ahtzig vnd nún jar.

Source Fulltext: Chartularium Sangallense X, Nr. 6327, S. 571.