Ich^a) Jacob Rupreht, den man nempt Low, stattamman ze sant Gallen¹ L vergich mit vrkund diz brieues, das Elisabecht Bilgri Gemunders elichi L wirtinne mit vogt vnd mit fursprechen vor offnem gerihte von ir hand L bi Bilgrin Gemunder ir elichem wirt vff gesendt hat, wie vrtail vnd reht gab, an des vnd zu des erwirdigen mines gnadigen herren Cunen von gottes genaden abt des gotzhus ze sant Gallen² hand vnd an das selb gotzhus ze sant Gallen den pfandschatz vnd allu iru reht des hofs vnd der guter ze Lamperswille³. Vnd ze vrkund dirrer ding han ich Jacob Rupreht stattamman da obgenampt min aigen insigel offenlich von des gerihtes wegen mit vrtail gehenkt an disen brief. Geben ze sant Gallen an der nahsten mittwuchen nah Vallentiny in dem jar, do man zalt von Cristi geburt tusent druhundert vnd nuntzig jar.