Nos^a) Cuno dei et apostolice sedis gracia abbas totusque conventus monasterii sancti Galli¹ ordinis sancti Benedicti Const(anciensis) L dyocesis sedi apostolice inmediate subiecti notum facimus presencium inspectoribus universis, cum cappella sancti Galli² confessoris L pii patris et fundatoris nostri infra septra^b) nostri monasterii situata, quam ipse suis manibus construxit et L in honorem sanctissime dei genitricis Marie consecrari fecit, tantum de redditibus et proventibus non habeat, de quibus cappellanus dicte cappelle ordinis et obediencie nostrorum habere possit et valeat, nos ob devocionis sinceritatem, que divinis laudibus sub religionis observancia est dedicata, presertim in laudem et honorem eiusdem beatissime dei genitricis Marie, beati Galli patris nostri ac omnium dei electorum necnon in salutem omnium Cristi fidelium animarum et in augmentum divini cultus ac eciam ad commodiorem sustentacionem eiusdem cappellani vineam nostram des Hofammans wingart nuncupatam prope oppidum Altstetten³ situatam consortes habentem a parte superiori vineam Adelh. dicte Germanninen, a latere autem vineam Vlrici Entzlers, a parte vero inferiori agrum die Gebrait⁴ nuncupatum, ad nos et nostrum monasterium predictum per mortem Vlrici Hachen ministri in Abbatiszella⁵ hereditario iure devolutam ad prefatam cappellam sancti Galli dedimus donavimus tradidimus et assignavimus ac presentibus damus donamus tradimus et pleno iure assignamus volentes, ut decetero capellanus ordinis et obediencie nostrorum, ut prescribitur, quem abbas nostri monasterii, qui pro tempore fuerit, prefecerit, dicta vinea cum aliis dicte cappelle proventibus utatur et fruatur absque nostris et successorum nostrorum obstaculo et impedimentis salvis semper dicte cappelle et monasterii nostri oneribus per eundem cappellanum de presenti statutis et inantea statuendis absque dolo et fraude adimplendis, prescriptam quoque donacionem ut sit approbamus auctorisamus rattifficamus et presentibus confirmamus. In quorum omnium et singulorum evidens testimonium sigilla nostra presentibus duximus appendenda. Datum et actum in monasterio nostro predicto in die sancti Johannis apostoli et ewangeliste, anno domini millesimo trecentesimo nonagesimo primo, ind. quartadecima.