Allen^a) den, die disen brief ansehent lesent oder horent lesen, kund ich Vlrich Rotenweber der weber L vnd vergich offenlich vor aller manglichem mit disem gegenwurtigen brief, daz ich mit L wolbedahtem mut willeklich frilich vnd vnbezwungenlich offenlich gesworn han ainen L gelerten aide liplich ze got vnd ze den hailigen mit vf gehabenen vingern, war daz ich dehainer lay stoss sache oder ansprachen hetti vff disen huttigen tag, alz dirre brief geben ist, oder hinnenhin iemer gewunne zu gemainer stat ze sant Gallen oder zu dehainem burger oder burgerinen besunder ze sant Gallen, wenne vnd alz dik das beschach vnd wolt ich danne ie darumb rehtes niht enbern, daz ich danne ie darumb rehtes pflegen vnd reht von in nemen sol vnd wil ze sant Gallen in der stat vor irem geriht vnd niendert anderswa nach der selben stat reht vnd gewonhait, ez war dann, daz ich da selbs rehtlos gelassen wurd vnd daz och das kuntlich da wurde, so ist mir behalten vnd in dem aid vss gelassen, daz ich das reht ie danne, von dem ich rehtlos gelassen bin, anderswa suchen sol vnd mag, da es dann billich vnd muglich ist, ân alle geuarde. Vnd des alles ze offem warem vrkunde vnd stater sicherhait aller der vorgeschribenn dinge vnd vergiht so han ich Vlrich Rotenweber da vorgenant erbetten die ersamen Jacob Rupreht, den man nempt Low, statamman ze sant Gallen¹ vnd Cunrat Jochler ab der Hub² burger ze sant Gallen, daz su baid iru insigel fur mich gehenkt hant an disen brief, vnder der selben insigel ich mich willeklich gebunden han, won ich aigens insigels niht han, des och wir die obgenanten Jacob Rupreht vnd Cunrat Jochler offenlich veriehen an disem brief vns vnd allen vnseren erben gantzlich vnschadlich. Diz beschach vnd ward dirre brief geben ze sant Gallen an dem nahsten mantag vor sant Georien tag in dem jâr, do man zalt von Cristus geburt druzehenhundert jar vnd darnach in dem ain vnd nunzigostem jare.