Ich^a) Hainrich von Gundelfingen closterherr ze sant Gallen probst L ze Burgenden vnd ze Ergow¹ vergich mit vrkund diss briefs, als L die gaistlichen herren der abt vnd das gotzhus ze sant Vrban² L êtwas êrbguter von dem gotzhus ze sant Gallen ze lehen hâtt, daruber aber dz selb gotzhus ze sant Vrban ainen trager von dem gotzhus ze sant Gallen nemen vnd haben sol, sol man wissen, dz ich die selben êrbguter bruder Conrat dem Holtzzîker couentbruder ze sant Vrban in trager wîs verlihen vnd in vber die selben erbguter ze trager geben han nach des gotzhuses ze sant Gallen recht vnd gewonhait, mir vnd dem selben gotzhus ze sant Gallen an allen vnsren rechten zinsen vallen gelass vnd erschetzzen gentzlich vnschadlich. Des ze warem offem vrkund so han ich min aigen insigel offenlich gehenkt an disen brief, der geben ist an mentag nach dem achtenden tag ze pfingsten, do man zalt von Cristus geburt tusent druhundert nuntzzig vnd zwai jar.