Wir^a) Leupolt von gots gnaden hertzog ze Österreich¹ ze Steyr ze Kernden vnd ze Krain graue ze Tyrol etc. bechennen vnd tun kunt fur den hochgebornen L fursten hertzog Albrechten² vnsern lieben herren vnd vettern vnser gebruder fur vns vnd fur vnser erben vmb die zehen tausent guldin, die wir der edeln grefinn L Iten von Toggemburg³ graf Rudolfs von Hochemberg⁴ selig hausfrawen schuldig waren vnd darumb si von den stetten ze Horw⁵ vnd ze Rotemburg⁶ tausent L guldin jerlicher nutze innemen solt, derselben zins ir zwelfhundert guldin vssligent vnd nicht geuallen sind, vnd vmb die zway tausent guldin, die wir graf Hainrichen von Werdemberg⁷, der nu der egenanten Iten von Toggemburg elicher man ist, geben solten, darumb er des hochgebornen fursten hertzog Leupolts⁸ vnsers lieben herren vnd vatter seligen brief het, die er vns hat wider gegeben, das egenant gelt alles, das wir der vorgenanten Iten von Toggemburg vnd graf Hainrichen irm wirt solten geben, bracht dreutzehen tausent vnd zway hundert guldin, haben wir mit dem egenanten graf Hainrichen vnd mit seiner hausfrawen getaydingt, daz si vns an derselben summ geltes dreu tausent vnd sibenhundert guldin abgelassen habent. Also sein wir in dennoch schuldig beliben neun tausent vnd funfhundert guldin, vnd sullent vns nu die egenanten stett vnd nutze ze Horw vnd ze Rotemburg von in ledig sein. Vnd also sein wir mit vnserm getrewen lieben Chunraten von Weytingen⁹ vberain kommen, daz er vns dieselben summ geltes gelihen hat. Auch hat er vns gelihen hundert vnd funfzehen guldin, die wir Vlrichen von Liechtenstain¹⁰ schuldig waren. Also bringet die summ des vorgenanten geltes neun tausent sechshundert vnd funftzehen guldin. Vnd haben wir im dafur ingegeben vnd versatzt die zwo stett vnd zwo burg ze Haygerloch¹¹ also, daz er vnd sein erben die mit den nachgeschribenn zinsen vnd gulten an abslag der nutz innehaben vnd nyessen sullent, als lang vntz daz der egenant vnser herre vnd vetter vns gebruder wir oder vnser erben, die vmb die vorgenanten neun tausent sechshundert vnd funftzehen guldin von in erledigen vnd erlosen. Vnd sullent si vns der losunge stattun vnd gehorsam sein vnd vns auch der egenanten geslozz vnd nutze abtretten, wenne wir die an si vordern, vnd si ledigen vnd erlosen. Vnd sullent si vns der losunge stattun vnd gehorsam sein vnd vns auch der egenanten geslozz vnd nutze abtretten, wenne wir die an si vordern vnd si mit dem egenanten gelt ermanen. Si sullent vns auch die vorgenanten geslozz offen haben vnd damit gewertig sein vnd vns vnd die vnsern darin vnd darauss lassen vnd auch darinn ze enthaltenn wider allermenklich nyemant ausgenomen an irn merklichen schaden. Auch sullent si vns den satz vnwustlichen innhaben vnd sollent auch si die egenanten burge mit turnern mit wachtern vnd mit torwartten versorgen vnd die mit irem sold ausfachten, als die von alter herkomen sind, an geuerde. Vnd sind dise gult vnd zinse, die dem vorgenanten von Weytingen vnd seinen erben zu den egenanten geslossen geuallen sullent, des ersten auf den nachgeschribenn stuken vnd gutern ze Grurn¹², Zymmern¹³, Wildorf¹⁴, Butelbrunnen¹⁵ vnd auff den rechten ze Ymnow¹⁶, Truhelfingen¹⁷, Hard¹⁸, Hebendorf¹⁹, Bitenhusen²⁰, auf dem halben gericht ze Rangadingen²¹, auf dem gericht ze Stainhouen²², item ze Obern Owingen²³, ze Hospach²⁴ vnd auf der vogtey ze Kilperg²⁵, auf den weygern vnd auf allen andern dorffern rechten vnd gewonheiten, die zu Haygerloch gehorent, als wir die innegehabt haben, vmb hundert vnd funf vnd funtzig pfunt siben schilling vnd zwen haller, item ze Horw auf der steur hundert vnd zwaintzige pfunt, item ze Horw auf dem gericht dreissig pfunt zwelf schilling vnd zehen haller, item von den mulin ze Horw hundert pfunt, item auss dem gutlin ze Hard dritthalb pfunt vnd ze Vtingen²⁶, Bildachingen²⁷, Rordorf²⁸ vnd Wittingen²⁹ hundert vnd funftzehen pfunt haller. Vnd ob der vorgenanten guter vnd stuk dehains ansprechig wurde, das sullen wir versprechen nach dem rechten. Mit vrchund ditz briefs. Geben ze Vilingen ³⁰ an montag vor gotsleichnam tage nach Cristi gepurd dreutzehen hundert jar, darnach in dem zway vnd neuntzigistem jare. d.d. per se ipsum present(ibus) F. de Walß magistr(o), R. de W. advocato et Jo Greter.