Burkardus^a) dei gratia episcopus Constantiensis¹ omnibus presentium inspectoribus subscriptorum noticiam cum salute. Noveritis, L quod per nos visis et diligenter recensitis litteris venditionis et emptionis contractus curie dominicalis in Egringen L possessionibus et iuribus pertinentibus ad eandem, quibus ius patronatus parrochialis ecclesie in Egringen est annexum, L celebrate et initi inter venerabiles in Christo dominos Cunonem abbatem, Hainricum de Gundelfingen prepositum per Brysgaugiam et capitulum monasterii sancti Galli ordinis sancti Benedicti nostre Constantiensis dyocesis sedi apostolice inmediate subiecti ex una et Hainricum Osterricher magistrum et amministratorem hospitalis pauperum et infirmorum maioris civitatis Basiliensis et nomine eiusdem parte ex altera, et quibus litteris presentes nostre littere sunt transfixe, et etiam de et super omnibus et singulis in eisdem venditionis et emptionis litteris contentis et descriptis habitis collatione et deliberatione diligentibus cum peritis, iuribusque etiam desuper visis consideratis et inspectis, supplicationibus etiam tam vendentium quam ementium in eisdem litteris contentorum inclinati ex causis legitimis et rationabilibus nos ad hoc de iure momentibus et ob causas in instrumento eodem expressas, cui presentes littere sunt transfixe, omnia et singula in eisdem venditionis et emptionis litteris contenta et descripta et, prout in eisdem continentur et describuntur, auctoritate nostra ordinaria approbavimus auctorizavimus et consensimus presentibusque modo via causa et forma melioribus, quibus valemus et de iure fieri debet et potest, et cum sollempnitatibus iuris et facti in talis fieri necessariis consentimus ac nostrum consensum et auctoritatem tamquam ordinarius ad eadem adhibuimus et per hec scripta adhibemus dolo et fraude in hiis penitus resecatis, absque tamen preiudicio ecclesie nostre Constantiensis prescripte. Et in huius rei testimonium sigillum nostrum episcopale presentibus duximus appendendum. Datum et actum Constantie anno domini millesimo trecentesimo nonagesimo secundo, III idus septembr., indictione quintadecima.