Ist ein ehrblechenbrief, wie Hug, Rüedolff vnd Vlrich die Schuelmeister gebrüeder den hoff bim Leen¹ gelegen, den man nempt Wath², Haini Holtzreütin vmb 1 Costantzer lb.d., 4 malther baider kornn, 10 herbsthüener, 50 aier vnd 21 rist werch zu einem rechten ehrbzinßlechen verlichen haben, also vnd der gestalt, daß so wan 2 zinß den driten vnbezalt erluffen, daß also dan der hoff denen Schuelmeistern ledig vnd loß heimgefallen heißen vnd sein sol, er soll auch den hoff in gueten ehren vnd vnwüestlich halten vnd haben, daruon nichts verkauffen noch verwenden, vnd in seinem abzug soll er 8 malther baider korn zu sommen vf dem hoff laßen. Laut deßen anfang: Ich Haini Holtzreüti, den man nempt Haini Veter, thue kundt etc. vnd sein datum: an sant Niclauß abendt A^o 1392.