Bonifatius^a) episcopus servus servorum dei dilecto filio .. officiali Basiliensi salutem et apostolicam benedictionem. Sedes^b) apostolica pia mater recurrentibus ad eam cum humilitate filiis post excessum libenter se propitiam exhibet et benignam. Exhibita siquidem nobis nuper pro parte Wilhelmi abbatis¹ et conventus ac L Conradi Schiltar cellerarii monasterii in Salem Cistertiensis ordinis Constantiensis diocesis, Vlrici Hapk ministri², Conradi Hegelli advocati et iudicis meri et mixti imperii, Alberti, Henrici et Conradi dictorum Blarer, Frederici, Johannis et Nicolai dictorum Fryen, Lutfridi Imturn, Petri senioris, Petri iunioris et Jacobi dictorum Sunnentag, JaLcobi Apoteker, Conradi Ekkart, Conradi Tettikouer alias dicti Rull, Johannis dicti Lynd, Walteri dicti Suterliswartz, Conradi Ehinger, Ruedini Guttiniger, Johannis et Petri dictorum Schalfiggen, Hainrici Rayser, Bertholdi Wiler, Vlrici et Riponis dictorum Tuwinger, Conradi de Hof, Conradi Stagelswartz, Johannis Gudentz, Jacobi Huober, L Henrici Guttinger, Vlrici Mennlyn, Johannis et Lutfridi dictorum Muntprat, Ryponis Hindersanctiiohans, Hugonis Strolin, Johannis Herdeler, Conradi de Schafusa³, Hugonis Smerli, Henrici Bechgelhuber consulum, Johannis Mainow alias dicti Kessel, Rudolphi Huber, Hainrici Muntprat, Conradi Grosuelin, Alberti Carpentarii, Euerardi Bruner, Johannis Risi civium Constantiensium, Henningi Huntpis⁴ ministri et iudicis civilium causarum, Hainrici Gundel, Wilhelmi Mayenberg, Vlrici Huntpis, Conradi Wirt, Hainrici Surg, Hainrici Flinswang, Conradi Oler, Conradi Stainer, Hainrici Weber, Conradi Brun, Nicolai Werkerli, Conradi Brattenbach, Nicolai Hagelli, Hainrici et Johannis dictorum Stark, Conradi Zinstag, Johannis dicti Affentruller, Conradi dicti Bruntwitz senioris, Johannis dicti Gunthalm, Hainrici Igel, Hainrici Riutmayr, Conradi Scriber, Johannis Wolfli, Johannis Han, Conradi Huntpis, Vlrici Leppe, Hainrici Mayenberg, Hainrici Schindeli, Johannis Segelbach, Conradi Silisbach Rauensburg, Hainrici dicti Huber magistri civium⁵, Johannis Gnapser, Conradi dicti Vogelwar, Vlrici Wiis, Alberti dicti Helfenberg, Bartholomei Blarer, Hugonis Schulmaister, Vlrici Burgower consulum sancti Galli, Gerhardi ministri, Johannis Hagin, Wilhelmi Riser, Conradi Walk Buochorff⁶, Hainrici Nubrunner, Bertholdi Frecher Pfullendorf⁷, Votzonis Scriuer, Rudini Mayer, Johannis Hainzel, Conradi dicti Wercmeister, Hainrici dicti Renner, Hainrici Reynolt, Hainrici de Schunstain⁸, Hainrici Corber, Burkardi Keller, Conradi Hainzel consulum Lyndow⁹ predicte diocesis opidorum opidanorum ac scabinorum undecimariorum scultetorum iudicum magistrorumcivium proconsulum et utriusque sexus hominum ac communis civitatis et universitatum opidorum predictorum ac clericorum civilegium in eisdem civitate et opidis habentium seu commorantium petitio continebat, quod dudum pro parte dilecti filii Johannis Dunibach rectoris ecclesie parrochialis in Plendlingen¹⁰ Ratisponensis¹¹ diocesis exposito felicis recordationis Vrbano pape VI predecessori nostro, quod olim abbas et conventus predicti contra dictum rectorem odio et rancore conceptis animo ei iniuriandi contra ipsum in nonnulla verba opprobriosa proruperant asserentes ipsum diversis criminibus irretitum et super hoc eum apud bonos et graves nequiter diffamarunt et nonnullos famosos articulos tunc expressos contra eum conscripserant ac ipsum, licet nullius excommunicationis et interdicti sentenciis innodatus esset, per quondam Vlricum Guttungarii decanum ecclesie Constantiensis¹² excommunicatum et interdictum et etiam loca diversa in partibus illis, ad que idem rector declinaverat, ecclesiastico interdicto supposita fore de facto procurarant publice nunciari, quodque nonnulle ecclesiastice persone civitatis et opidorum predictorum ac partium aliarum eisdem abbati et conventui in premissis faventes in offensam et iniuriam eiusdem rectoris interdictum huiusmodi observarant et observari mandaverant et fecerant similiter de facto, et quod propter hoc idem rector ad sedem apostolicam appellaverat, et quia ipse rector timebat se super premissis in eisdem partibus non posse consequi iusticie complementum, idem predecessor causam appellationis huiusmodi et negotii principalis necnon omnes et singulas causas tam civiles quam criminales, quas idem rector abbati et conventui ac etiam personis huiusmodi, qui huiusmodi interdictum contra eundem rectorem observabant seu observari debere mandaverant, ut prefertur, communiter vel divisim movere intendebat, quondam Johanni Monbray capellano sedis predicte ac auditori causarum palacii apostolici ad instantiam dicti rectoris commiserat audiendas decidendas et fine debito terminandas, non obstante, quod cause ipse de sui natura ad Romanam curiam legitime devolute et apud eam tractande et finiende non essent, et cum potestate citandi eosdem abbatem et conventum extra eandem curiam et ad partes, quotiens opus esset. Idemque auditor ad instantiam predicti rectoris coram eo in iudicio comparentis eosdem abbatem et conventum per suas certi tenoris litteras citari fecit ad partes, ut certo termino peremptorio competenti tunc expresso cum omnibus actis iuribus et munimentis suis causas huiusmodi contingentibus coram eo vel alio auditore causarum dicti palacii loco sui forsan surrogando comparerent ad procedendum in causa huiusmodi ad singulos actus necessarios usque ad diffinitivam sententiam inclusive, prout existeret rationis. Interim vero cum idem Johannes auditor existeret vita functus, predictus predecessor causas huiusmodi venerabili fratri nostro Petro episcopo Sagonensi¹³ tunc capellano sedis et auditori causarum palacii predictorum audiendas commisit et fine debito terminandas. Et deinde pro parte dicti rectoris prefato predecessori exposito, quod cum idem rector tunc laboraret in eisdem partibus, ut citatio ipsa executioni demandaretur contra abbatem et conventum ac personas antedictas, iidem abbas et conventus ad impediendum, ne dicta citatio contra eos executioni demandaretur, et in preiudicium litispendentie huiusmodi coram eodem episcopo tunc auditore dictum rectorem super premissis coram presidibus lige civitatis et opidorum predictorum petendo ipsum compelli per eosdem presides ad desistendum a prosecutione causarum huiusmodi in ipsa curia, etiam de facto evocari procuraverant et fecerant, et quia idem rector prosecutione ipsarum causarum in curia ipsa recusabat desistere, predicti presides ipsum rectorem ab opido Vberlingen¹⁴ predicte diocesis, de quo traxit originem et in quo plura bona mobilia et immobilia tunc habebat, etiam prescripserant ac etiam magistricivium sculteti consules undecimarii advocatus iudices et scabini predicti ad sinistras suggestiones Hainrici Sachs, Hugonis Smerli, Hainrici Begelhub et Hainrici Schilter laicorum dicte diocesis etiam dictos abbatem et conventum in premissis foventium dictum rectorem de ipso opido Vberlingen eiecerunt et etiam fecerant, quominus ipse rector quedam sua et suorum negotia in dicta civitate per eum tunc peragenda ibidem expedire valeret, ipsique abbas et conventus rectori prefato atroces minas et tenores diversos incusserunt, presertim quod ipsum interfici facerent, ipseque abbas per quosdam suos satellites eidem rectori diversas hostiles insidias poni fecerat, ac ei alia iniurias et damna plurima predicti abbas conventus cellerarius advocatus iudices magistricivium consules scabini ministri undecimarii commune universitates cives opidani clerici homines et persone huiusmodi communiter et divisim irrogarant perperam et iniuste, prefatus predecessor eidem episcopo tunc auditori commisit, ut etiam causas tam civiles quam criminales, quas idem rector contra et adversus dictos abbatem et conventum cellerarium advocatum iudices magistroscivium consules scabinos scultetos ministros undecimarios commune universitates cives opidanos homines et personas huiusmodi ac alios quoscunque, quorum intererit seu qui sua crediderant interesse, coniunctim vel divisim super premissis omnibus et singulis necnon damnis et interesse per ipsum rectorem propterea passis movere intendebat, audiret et fine debito terminaret cum potestate absolvendi eundem rectorem a predictis sentenciis simpliciter vel ad cautelam, si et prout de iure foret. Postmodum vero eodem predecessore, sicut altissimo placuit, sublato de medio, nos divina favente clementia ad apicem summi apostolatus assumpti omnibus auditoribus causarum dicti palacii commisimus, ut omnes et singulas causas, quas ex commissionibus dicti predecessoris audiebant et que tempore obitus eiusdem predecessoris coram eis remanserant indecise, in eo statu, in quo tempore dicti obitus remanserant, resumerent easque audirent et fine debito terminarent iuxta tenores commissionum factarum eisdem. Et deinde prefatus Johannes rector coram eodem episcopo tunc auditore, postquam ipse episcopus tunc auditor in huiusmodi causis ad nonnullos actus inter partes ipsas processerat, in iudicio comparens tres petitiones summarias pro parte sua dedit in causis eisdem dictusque episcopus tunc auditor in huiusmodi causis procedens unam, in qua abbatem, et aliam, in qua Vlricum Hapk, et aliam diffinitivas sententias, ut dicebat, per quam pronunciavit decrevit et declaravit, prout hec omnia in eisdem petitionibus summariis petita fuerant, Conradum Schilter predictos fuisse et esse maioris excommunicationis sententia innodatos ipsosque tales denunciandos fore et denunciavit et publicavit, eosdem abbatem, Vlricum Hapk ac Conradum Schiltar in expensis coram se in huiusmodi causis factis nichilominus condemnando, ipsarum expensarum taxatione ac etiam facultate diffiniendi huiusmodi alios articulos in dictis expositionibus eiusdem rectoris expressis et super eis pronunciandi sibi imposterum reservatis, et successive ipso rectore pretendente, predictas tres sententias eiusdem episcopi tunc auditoris nullis appellationibus suspensas in rem transivisse iudicatam, nobis suggessit, quod licet abbas, Conradus et Vlricus predicti per multos annos predicta excommunicationis sententia fuissent et tunc essent ligati, tamen excommunicati denunciati non forent, quodque ipse Johannes rector gravia damna et interesse passus extiterat in prosecutione causarum predictarum. Nos eidem episcopo tunc auditori inter cetera commisimus, ut eosdem abbatem, Conradum et Vlricum tamdiu excommunicatos denunciaret extra curiam antedictam, quousque ipsi de damnis interesse et expensis huiusmodi eidem rectori per eosdem abbatem, Conradum et Vlricum foret integre satisfactum et etiam processus per eundem episcopum tunc auditorem super hiis contra eosdem abbatem, Conradum et Vlricum habendos, quotiens opus esset, aggravaret, invocato ad hoc, si expediret, auxilio brachii secularis. Et successive, cum tunc idem episcopus tunc auditor se ab eadem curia tunc absentasset, nos causas huiusmodi dilecto filio magistro Thome de Walkington¹⁵ capellano nostro et auditori causarum palatii predicti audiendas commisimus et fine debito terminandas, coram quo etiam predictus rector in iudicio comparens quinque peticiones summarias pro parte sua dedit in causis antedictis, predictusque Thomas auditor in eisdem causis etiam procedens, unam, per quam Conradum Hagelli, Albertum, Hainricum et Conradum dictos Blarer, Fridericum, Johannem et Nicolaum dictos Fryen, Lutfridum Imturn, Petrum seniorem, Petrum iuniorem et Jacobum Sunnentag, Jacobum Apoteker, Conradum Ekkard, Conradum Tettikofer, Johannem dictum Lynd, Walterum dictum Suterliswartz, Conradum Ehinger, Rudingum Guttinger, Johannem et Petrum dictos Schalfiggen, Vlricum et Ryponem dictos Tuwinger, Conradum de Hof, Hainricum dictum Raiser, Conradum dictum Stagelswartz, Johannem Gudartz, Jacobum Huber, Hainricum Guttinger, Vlricum Menlyn, Johannem et Gotfridum dictos Rap, Riponem Hindersanctiiohans, Hugonem Stroli, Johannem^c), Conradum de Schafhusen, Hugonem Smerli, Hainricum Bethelhuber, Bertoldum Wiler, Johannem Maynow alias dictum Kessel, Rudolphum Huber, Hainricum Muntprat, Conradum Grosuelyn, Albertum Carpentarii, Euerhardum Bruner, Johannem Riss, et aliam, per quam Hainricum Gundel, Heyningherum Huntpis, Wilhelmum Mayenberg, Vlricum Huntpis, Conradum Wirt, Heinricum Surg, Hainricum Flinswang, Conradum Oler, Conradum Stainer, Hainricum Weber, Conradum Brun, Nicolaum Wakerli, Conradum Brattenbach, Nicolaum Hagelli, Hainricum et Johannem dictos Stark, Conradum Zinstag, Johannem dictum Affentruller, Conradum dictum Brunwicz seniorem, Johannem dictum Gunthalm, Hainricum Igel, Hainricum Ritmar, Conradum Scriber, Johannem Wulfli, Johannem Han, Conradum Huntpis, Vlricum Lappe, Hainricum Mayenberg, Hainricum Schindoli, Johannem Segelbach, Conradum Zilisbach, et aliam, per quam Gerardum ministrum, Johannem Hagen, Wilhelmum Riser et Conradum Walk, et aliam, per quam Hainricum Nubrunner, Bertholdum Frecher, et aliam, per quam pronunciavit decrevit et declaravit Vtzonem Scriber, Rodinum Mayer, Johannem Hentzel, Conradum dictum Werkmeister, Hainricum dictum Renner, Hainricum Reynolt, Hainricum de Schiutstan, Hainricum Ghorber, Burkardum Huntzel predictos omnesque alios et singulos magistroscivium advocatum consules tam minores quam maiores undecimarios et iudices predictos, qui tam tempore dicte prescriptionis quam etiam extunc fuerant et tunc erant in civitate ac in Rauensburg, Buochorn, Pfullendorf et Lyndow opidis predictis, felicis recordationis Bonifacii VIII, que incipit Quoniam ut intelleximus, et Vrbani V Romanorum pontificum predecessorum nostrorum, que incipit Quia sicut displicenter constitutionibus sententias latas incurrisse ac ipsis sententiis fuisse et esse innodatos ac civitatem et commune necnon Rauensburg, Buochorn, Pfullendorf et de Lindow opida et universitates predicta subiacuisse et subiacere ecclesiastico interdicto ipsosque magistroscivium consules scabinos scultetos advocatos undecimarios ministros et iudices, qui ut prefertur erant dicte prescriptionis tempore et etiam eos qui postea fuerant ibidem et etiam eosdem abbatem, cellerarium, Vlricum Hapk ministrum, Conradum Hagelli, Albertum, Hainricum et Conradum dictos Blarer, Fredericum, Johannem et Nicolaum dictos Fryen, Lutfridum Imturn, Petrum seniorem, Petrum iuniorem et Jacobum dictos Sunnentag, Jacobum Apoteker, Conradum Egghard, Conradum Tettikofer alias dictum Rull, Johannem dictum Lynd, Wolterum dictum Suterliswartz, Conradum Ehinger, Rudinum Guttinger, Johannem et Petrum dictos Schalfiggen, Hainricum Raiser, Bertholdum Wiler, Vlricum et Riponem dictos Tuwinger, Conradum de Hoff, Conradum dictum Stagelswartz, Johannem dictum Gudentz, Hainricum Guttinger, Jacobum Huber, Vlricum Menlyn, Johannem et Gotfridum dictos Muntprat, Riponem Hindersentiohans, Hugonem Stroli, Johannem Herdoler, Conradum de Schafusen, Johannem Maynow alias dictum Kessel, Rudolphum Huber, Hainricum Muntprat, Conradum dictum Grosuelin, Albertum Carpentarii, Euerhardum Bruner, Johannem Riss, Hugonem Smerli, Henricum Bechgelhuber, Hainricum Gundel, Henningum Huntpis, Wilhelmum Mayenberg, Vlricum Huntpis, Conradum Wirt, Hainricum Surg, Hainricum Flinswag, Conradum Oler, Conradum Stainer, Hainricum Weber, Conradum Brun, Nicolaum Weckerli, Conradum Brattenbach, Nicolaum Hagelli, Hainricum et Johannem dictos Stark, Conradum Zinstag, Johannem dictum Affentruller, Conradum dictum Bamwitz seniorem, Johannem dictum Gunthalm, Hainricum Igel, Hainricum Riutmair, Conradum Scriuer, Johannem Wulfli, Johannem Han, Conradum Huntpis, Vlricum Lappe, Hainricum Mayenberg, Hainricum Schindoli, Johannem Segelbach, Conradum Silisbach, Gerardum ministrum, Johannem Hagen, Wilhelmum Riser, Conradum Walk, Hainricum Nubrunner, Bertholdum Frecher, Votzonem Scriuer, Rudinum Mayer, Johannem Hunzel, Conradum dictum Werkmeister, Hainricum dictum Renner, Hainricum Raynolt, Hainricum de Schunstain, Hainricum Corber, Borkardum Keller, Conradum Hunzel prefatos etiam fuisse et esse dictis sententiis in eisdem constitutionibus latis irretitos et evitandos ac civitate et commune necnon in Rauensburg, Buochorn, Pfullendorf et Lyndow opida et universitates huiusmodi interdictos denunciandos fore et denunciavit, quousque prescriptio huiusmodi seu bannum et religatio per eosdem presidentes de ipso rectore per eos facte plene integre et cum effectu forent revocata et dictus rector esset in statum pristinum integre restitutus ac ei de huiusmodi damnis expensis et interesse factis et passis per eos foret integre satisfactum. Et nichilominus eosdem Conradum Hagelli advocatum, Albertum, Heinricum, Conradum dictos Blarer, Fridericum, Johannem et Nicolaum dictos Fryen, Lutfridum Imturn, Petrum seniorem, Petrum iuniorem et Jacobum dictos Sunnentag, Jacobum Apoteker, Conradum Eggard, Conradum Tettikofer alias dictum Rull, Johannem dictum Lynd, Wolterum dictum Suterliswartz, Conradum Ehinger, Rudinum Guttinger, Johannem et Petrum dictos Schalfiggen, Hainricum Raiser, Bertholdum Wiler, Vlricum et Riponem dictos Tuwinger, Conradum de Hoff, Conradum dictum Sthagelswartz, Johannem dictum Gudentz, Hainricum Guttinger, Jacobum Huber, Vlricum Menlyn, Johannem et Gotfridum dictos Muntprant, Riponem Hindersantiohans, Hugonem Stroli, Johannem Herdoler, Conradum de Schafhusen, Johannem Maynow alias dictum Kessel, Rudolphum, Huber, Hainricum Muntprant, Conradum dictum Grosuelin, Albertum Carpentarii, Euerhardum Bruner, Johannem Riss, Hugonem Smerlin, Hainricum Bechgelhuwer, Hainricum Gundel, Henningum Huntpis, Wilhelmum Mayenberg, Vlricum Huntpis, Conradum Wirt, Hainricum Surg, Hainricum Flinswag, Conradum Oler, Conradum Stainer, Hainricum Weber, Conradum Brun, Nicolaum Werkerli, Conradum Brattenbach, Nicolaum Hagelli, Hainricum et Johannem dictos Stark, Conradum Zinstag, Johannem dictum Affentruller, Conradum dictum Brunwitz seniorem, Johannem dictum Gunthalm, Hainricum Igel, Hainricum Riutmair, Conradum Scriuer, Johannem Wulfli, Johannem Han, Conradum Huntpis, Vlricum Lappe, Hainricum Mayenberg, Hainricum Schindoli, Johannem Segelbach, Conradum Silisbach, Gerhardum ministrum, Johannem Hagen, Wilhelmum Riser, Conradum Walk, Hainricum Nubrunner, Bertoldum Frecher, Votzonem Scriuer, Rudinum Mayer, Johannem Hunzel, Conradum dictum Werchmeister, Hainricum dictum Renner, Hainricum Raynolt, Hainricum de Schumstain, Hainricum Corber, Borkardum Keller, Conradum Hunzel predictos in expensis in huiusmodi causa legitime factis nichilominus condemnavit, ipsarum expensarum taxatione sibi imposterum reservata, a quibusquidem sententiis eiusdem Thome auditoris fuit pro parte advocati ministrorum iudicum proconsulum consulum scabinorum undecimariorum scultetorum scabinorum magistrorumcivium communis et Rauenspurg, Buochorn, Pfullendorf et Lindow opidorum universitatum ac hominum predictorum ad sedem appellatum eandem. Cum autem, sicut eadem peticio subiungebat, damna et interesse huiusmodi nondum sint sententialiter declarati, sed adhuc cause huiusmodi pendeant super illis in eodem palacio indecise ac etiam expense predicte non sint taxate, predicti advocatus iudices proconsules consules sculteti ministri undecimarii magistricivium scabini cives opidani homines et clerici nuper proscriptionem seu relegacionem et bannum predicta revocare effectualiter sint parati et ad unitatem ecclesie desiderant cum humilitate redire, pro parte ipsorum fuit nobis humiliter supplicatum, ut eos etiam propter divini cultus augmentum in civitate et opidis antedictis ab huiusmodi excommunicationum sentenciis et aliis penis, quas propter premissa incurrerunt, ut prefertur, absolvi necnon interdictum huiusmodi, in quo civitas necnon Rauenspurg, Buochorn, Pfullendorf, Lindow et sancti Galli opida ac commune et universitates huiusmodi propterea supposita, ut premittitur, existant, relaxari mandare et alias in premissis salubriter providere de benignitate apostolica dignaremur. Nos igitur statum omnium premissorum habentes presentibus pro expresso et attendentes, quod ecclesia redeuntibus ad eam claudere gremium non consuevit, huiusmodi supplicationibus inclinati discretioni tue per apostolica scripta mandamus, quatinus vocatis eodem Johanne rectore et aliis, qui fuerint evocandi, abbatem cellerarium advocatum iudices ministros scultetos proconsules consules scabinos undecimarios magistroscivium cives opidanos homines personas et clericos antedictos et quoscunque alios propter premissa culpabiles et dictis excommunicationum sentenciis irretitos cautione ydonea recepta super eo, pro quo excommunicati habentur, quod tuis et ecclesie mandatis parebunt, ac etiam per eorum quemlibet in tuis manibus prestitis iuramentis, quod decetero similia non attemptent nec ea committentibus prestent auxilium consilium vel favorem, et postquam coram te ydonee cavebunt, quod predictas expensas, in quibus ipsi per Petrum episcopum tunc et Thomam auditores predictos condemnati sunt, ut prefertur, fuerint rationabiliter taxate, eidem rectori effectualiter solvant, ab huiusmodi excommunicacionum et aliis sententiis et penis, si hoc humiliter petierint, auctoritate nostra hac vice absolvas in forma ecclesie consueta iniunctis eis pro modo culpe penitentia salutari et aliis, que de iure fuerint iniungenda, et etiam interdictum huiusmodi relaxes necnon super irregularitate, si quam abbas cellerarius clerici et ecclesiastice predicti et etiam singulares persone ex huiusmodi conventu huiusmodi excommunicacionum sententiis et penis seu earum aliqua ligati divina non tamen in contemptum clavium forsan celebrarunt vel imiscuerunt se illis, eis tamen a suorum ordinum executione ad tempus, de quo tibi videbitur, suspensis dispenses ac aboleas omnem infamie maculam sive notam per eos premissorum occasione contractam auctoritate prefata, contradictores per censuram ecclesiasticam appellatione postposita compescendo, non obstantibus huiusmodi litispendentia in predicta curia et de duabus dietis in concilio generali et aliis constitutionibus apostolicis contrariis quibuscunque, seu si eidem rectori vel quibusvis aliis communiter vel divisim a dicta sede indultum existat, quod interdici suspendi vel excommunicari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Datum Perusii, VI kl. decembr. pontificatus nostri anno quarto.