Allen den, die disen brief an sehent oder horent lesen, tun ich Cuntz L von Munchwille¹ kunt vnd vergich offenlich an disem brief, alz Hainrich^a) L Cuntz ainen akker vff Wilberg² gelegen, dez ain halbu juchhart ist, ze L kofent geben hat vmb drysig schilling pfennig, der selben pfennig er gantzlich gewert ist, dem erwirdigen herren abt Cun dez gotzhus ze sant Gallen³ vnd dem vorgenanten gotzhus ze sant Gallen, vnd der selb akker lehen von mir wz, daz ich da dez selben Hainrich Cuntzen ernstlicher bett wegen die selben lehenschaft mich enzih fur mich vnd min erben vnd die vff send vnd gib mit vrkund diz briefs dem erwirdigen herren abt Cun vnd dem gotzhus ze sant Gallen, daz der selb akker nû hinen hin owenklich reht aigen sin sol dez gotzhus ze sant Gallen. Vnd dez ze vrkund so han ich min aigen insigel fur mich vnd min erben offenlich gehenkt an disen brief. Geben an dem nahsten dornstag vor vnser frowen tag ze der liehtmiss in dem iar, do man zalt von Cristi geburt tusent druhundert nunzig vnd in dem dritten jar.