Ich Walther von der Alten Clingen¹ ain fryer herr vnd ritter tun kunt allen den, die disen brief sehent lesent oder horrent lesen, das L ich mit wolbedahtem sinne vnd mut frylich vnd vngeuarlich vf geben han vnd gib mit vrkunt dis briefs die lehenschaft des zehenden L ze Stettfurt² vnd die guter alli, die dar in vnd zu dem selben zehenden gehorrent, die selben lehenschaft Lutolt der Schenk von Landegg³ L vormals von mir sinen tail vnd sinu reht ze lehen gehept hât, das ich dem selben Lutolten dem Schenken die gnad tun vnd getan han von der dienst wegen, so er mir hat getat^a) vnd noch taglich tut vnd tun mag, vnd von des wegen, das er mir minen erben vnd nachkomen die vogtyg ze Winczenberg⁴ den zehenden ze Aygelczhusen⁵ den zehenden, den man nemmet Pontlis zehend gelegen ze Pillwilla⁶ vnder Ebersol⁷, die ackern vnd wisan, da der selb zehent ingehorret, och gelegen da selbs vnd ain wis, die man nemmet Eggenwis⁸ die minder, in solicher wis vnd mâss, das er sin erben oder nachkomen die selben vorgenanten guter von mir minen erben oder nachkomen ze rehtem lehen haben vnd enphahen sont nach lehens reht, das ich im die lehenschaft des selben zehenden ze Stettfurt, als vor geschriben stat, vf gib vnd geben han vnd enzih mich mit vrkunt diss briefs von miner gnad vnd tugend wegen aller lehenschaft aller kuntschaft aller gewer lut vnd brief, so ich min erben oder nachkomen dar zu ie gehept hant oder hie nach jemer gehan oder gewinnen mugent vnd aygeni das och durch miner sel hayl willen an den spital des hayligen gaystz gelegen ze Byschoffcelle⁹ fur reht fry ledig aygen. Vnd ze vrkunt der warh(ei)t aller vorgeschriben ding vnd enzihung so han ich obgenanter Walther von der Alten Clingen ritter min aygen insigel fur mich min erben vnd nachkomen offenlich gehenkt an disen brief. Der geben ist ze Byschoffcell an dem nahsten mantag vor vnsers herren fronlichems tag in dem jar, do man zalt von Cristus geburt drutzehenhundert jar, nuntzig jar, dar nach in dem vierden jare.