Allen den, die disen brief ansehend oder horend lesen, kunden wir Hans vnd Claus die Widmere vnd Marti Susenhart von Swainingen¹ vnd veriehen offenlich, das L wir jetz ze mal all gemainlich vnd vnuerschaidenlich schuldig sind vnd gelten sond dem erwirdigen vnserm gnadigen herren her Niclausen von Vtzingen ze disen ziten custer vnd L portner des gotzhus ze sant Gallen² dru pfund vnd viertzehen schilling guter vnd gaber haller, die wir im noch von verfalner zehenden wegen schuldig beLlibent, die selben haller all sollen wir oder vnser erben, ob wir enwarind, dem egenanten her Niclausen von Vtzingen ald sinen nauchkomen, ob er nit war, gentzlich vnd gar gelten vnd geben hinnan ze dem nahsten kunftigen sant Verenen tag on allen furzug. Darzu so sollen wir dem egenanten her Niclausen von Vtzingen nu hinnanhin jeclichs jars vff sant Martis tag aht tag da vor oder darnach vngefaurlich gen Schaufhusen³ in die statt weren vnd antwurten zehen mutt gutz gabs kernen Schaufhuser mess von dem zehenden ze Swainingen, der an das vorgeschriben portnerampt ze sant Gallen gehort. Wurden wir aber sumig hier an, also das wir dem obgenanten her Niclausen von Vtzingen die vorgeschriben haller vff den egeschriben sant Verenen tag vnd die vorgeschriben zehen mutt kernen jeclichs jars vff sant Martis tag nit wertind vnd bezaltint, also das der obgenant her Niclaus von Vtzingen oder sin gewisser botte die selben zehen mutt kernen jarlichs ze Schaufhusen nit fundint inwendig den nahsten aht tagen nauch jeclichem sant Martis tag, wie denn derselb her Niclaus von Vtzingen oder sin nauchkomen von des gutz wegen, des zil sich denn erloffen hett vnd vss ist, ze schaden koment an cristan oder an juden von clag von zerung von bottenlon von briefen von angriffen mit geriht oder on geriht, den schaden allen vnd ouch das hoptgut, das ye denn veruallen ist, es sient die haller oder dz kern, sollen wir oder vnser erben dem egenanten her Niclausen von Vtzingen ald ^a) sinen nauchkomen gar vnd gentzlich vssrihten vnd bezaln vnd sollen si dauon aller ding ledgen vnd losen on allen iren schaden, als wir by statten guten truwen^b) hafticlich verhaissen vnd gelobt haben, vnd mag ouch der selb her Niclaus von Utzingen oder sin nauchkomen ald der, der je denn disen brief bi des selben her Niclausen leben von sinen wegen innehet, oder ir gewissen botten vns die obgenanten gulten oder vnser erben all gemainlich oder vnser jeclichen besunder ald welen si vnder vns wend, vmb das gut, des zil sich ie denn erloffen het, es sigent haller oder korn houptgut oder schad, nauch den ziln vnd den gedingen, so hie vor geschriben sind, angriffen heften vnd pfenden mit geriht gaistlichem oder weltlichem oder on geriht, wie ald wo si mugent oder wend, so dik vnd so vil, vntz das si on allen iren vnd irer helffer schaden des verfallen hoptguts vnd ouch des schadens gar vnd gentzlich gewert vnd bezalt werden, vnd sond si noch ir helffer mit dem angriff dehains wegs gefreuelt noch missvarn han, vnd sol ouch vns noch vnser erben noch vnser gut sament noch sunder vor dem angriff nit schirmen dehain fryhait gnad gelait noch reht noch dehainer hand sach schirm furzug noch fund, so yeman furgeziehen vinden ald erdenken kan oder mag nu ald hie nauch. Vnd ze warem vnd offem vrkund aller vorgeschribner ding so ist diser brief von vnser der obgenanten Hansen vnd Clausen der Widmer vnd Martins Susenharts von Swainingen ernstlicher bett wegen besigelt mit des frommen vesten ritters her Wilhelms im Turn von Schaufhusen vnsers gnadigen herren anhangendem insigel, doch im vnd sinen erben vnschadlich, vnder dem selben insigel wir vns vnd vnser erben willenclich binden vnd veriehen ainer warhait aller vorgeschribner ding. Diser brief ward geben, do man zalt von gotz geburt druzehenhundert vnd nuntzig jar vnd darnach in dem vierden jar, an dem nunzehenden tag in dem brauchott.