Ich^a) Egnolf von Roschach¹ ritter vergich offenlich mit disem brief von der vier hundert vnd sehsi vnd sehzig pfunt haller wegen, darumb L mich der hohgeborn min gnadiger herr hertzzog Lupolt von Osterrich² an die burger ze Ratolfcell³ verstossen hat, vnd wan die vorgenanten L burger von Ratolfcell darumb den burgern gemainlich ze Rapreswil⁴ von minen wegen versprochen haind vnd och Hansen Nietinn an iro statt L die selben burger von Rapreswil vnd och der selb Hans Nieti an iro stat, dez selben geltz an su komen sind. Hierumb so sagin ich fur mich vnd fur alle min erben den vorgenempten minen herren von Osterrich vnd och die vorgenempten burger ze Ratolfcell der vorgeschribnen summe geltz quit ledig vnd loss, also daz ich noch min erben noch niemen anders von vnsren wegen su darumb niemer bekumeren noch bekrenken sollin. Mit vrkund diss briefs geben versigelt mit minem dez vorgenempten Egnolfs von Roschach insigel nach Cristus geburt druzehenhundert jar, darnach im vierden vnd nuntzzigosten jar, am^b) der nahsten mitwochen vor sant Nicolaus tag.