Wir^a) Lupolt von gotes genaden hertzog zu Osterrich¹ zu Styr zu Kernden vnd L zu Krain graue zu Tyrol etc. schaffen mit dir vnserm getruwen Hansen L Stoklin² vnserm hubmaister oder wer ye zu ziten vnser hubmaister vnd L in nemer ist in vnsern landen hie dishalb des Arlbergs³, daz du vnsern getruwen lieben .. dem rate vnd den burgern gemainlich zu Raprechtswilr⁴ nu furbaz mer allerierlichen vf sant Martins tag vor aller menglich furderlichen richtest vnd bezalest zwai hundert vnd funff vnd zwaintzig guldin vntz an vnser wider ruffen, wan wir das gar ernstlichen mainen vnd wellen, vnd wenn du daz getan hast, so wellen wir die denn an diner rechnung legen vnd abziehen. Mit vrkund ditz briefs. Geben ze Winterthur⁵ an zinstag vor sant Hylaryen tag nach Crists geburt drivczehenhundert jar, darnach in dem funf vnd nivntzigisten jare.