Wir^a) Wenczlaw von gotes gnaden Romischer kunig zu allen czeiten merer dez reiches vnd kunig zu Behem L empiten dem burgermeister rate vnd burgern gemeinlichen der stat czu sant Gallen vnsern vnd dez reiches L lieben getrewen vnser gnad vnd alles gut. Lieben getrewen, vmb die wonliche stewre, die ir vns vnd dem reiche L jerlichen zu geben pflichtig seit, heissen vnd gebieten wir euch ernstlichen vnd vesteclichen bey vnsern vnd dez reichs hulden, daz ir die dem hochgebornen Stephan pfalczgrauen bey Reyne herczogen in Beyren⁴ vnsrem lieben ohmen vnd fursten odir seinem boten uf den nehsten sand Mertins tag mit alder werung genczlichen vnd vnvorczoginlichen richtet vnd beczalet. Wann so ir das getan habt, so sagen wir euch der selben stewre von vnser vnd des reiches wegen als von diesem jare genczlichen vnd gar qweit ledig vnd loze. Mit vrkunt dicz briues vorsigelt mit vnserm kuniglichen maiestat insigil. Geben czu Prage noch Cristes geburt dryczenhundirt jar, dornoch in dem fumfvndnewnczigisten jar an sand Augustinen tage, vnsrer reiche dez Behemischen in dem XXXIII vnd des Romischen in dem XX. jaren.