Charter CSGXI|6786. - Monasterium.net

Ich^a) graff Otto von Tierstein lantrichter in Thurgew¹ vergich vnd thun kund menglichem mit disem brief, das ich an der hochgebornen fursten miner gnadigen L herren der hertzogen von Osterich statt vff dem lantag by Winterthur² in der grafschaft ze Kiburg³ an dem nêsten frytag nach der alten vasnacht offenlich ze gericht sasz, L vnd kam fur mich in gerichte der fromen vnd wisen des burgermeisters des rates vnd der burgere gemeinklich der statt ze sant Gallen gewisse botschaft vnd zoigte da L vor mir der selben von sant Gallen friheit vnd gnad, die inen der hochgeborn furste kung Wentzlaw Romscher kung geben hat, die von wortt ze wortt also statt:

Diplomatic Analysis

Comment

Es folgt der Text von Nr.5655 (nach A²). Vnd do der brief also gelasen vnd verhoret ward, do batten inen der selben von sant Gallen botschaft erfarn an einer vrteil, ob die burger gemeinlich von sant Gallen vnd ir jeglicher besunder der selben ir gnade vnd friheit icht billich geniessen sollen, da fragt ich vrteil vmb vnd ward och erteillett mit rechter vnd mit gesamnoter vrteil einhelklich vff den eid, dz die vorgenanten burger gemeinlich von sant Gallen frowen vnd man vnd ir jeglicher insunders der selben ir gnade vnd friheit, die inen also bestatigott vnd gemeret ist, billich geniessen sollent vnd dz sy och da by beliben sollen in aller der wise vnd masse, alz vorgeschriben statt, an all geuerde, vnd dz ich inen des ein abschrift, dz man nempt ein vidimus, her vmb geben solle. Vnd des ze warem vnd offnem vrkunde so han ich der obgenant lantrichter des lantgerichtz insigel in Thurgew offenlich gehenkt an disen brief. Der geben ist an dem vorgenanten lantag by Winterthur in dem jare, do man zalte von Cristus geburte drutzehenhundert sechs vnd nuntzig jaren. Per Eigendal⁴.

Notes:

^a) Verzierte Initiale J 12,5 cm lang. ¹Otto v. Thierstein (Gem. Büsserach, Bez. Thierstein SO), 1396–1404 Landrichter im Thurgau. ²Winterthur, Stadt u. Bez. ZH. ³Kyburg, Bez. Pfäffikon ZH. ⁴Ulrich Eigendal, vgl. Nr.6416.

Index

Places

Winterthur

How to cite

A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.