In^a) nomine domini amen. Per hoc presens publicum instrumentum cunctis ipsum intuentibus pateat evidenter, quod L sub anno nativitatis eiusdem millesimo trecentesimo nonagesimo sexto, indictione quarta, pontificatus sanctissimi in Christo patris L et domini domini Bonifacii digna dei providencia pape noni anno septimo, mensis iunii, die septima, hora primarum vel quasi L in stupa consulum civitatis Constanciensis sita iuxta forum piscium ibidem in mei notarii publici et testium subscriptorum presencia personaliter constituti providi circumspecti et discreti viri Johannes Ruhe magistercivium¹, Vlricus Hapch minister², Conradus Swartz, Johannes Swartzach, Vlricus Haerdler, Conradus Muntbrat, Conradus Sailer, Jacobus de Vlma³, Hainricus de Vlma, Vlricus Ramung, Johannes Derrer, Petrus Sunnentag, Johannes Engelli, Johannes Nusplinger, Johannes de Schafhusen⁴, Alberchtus Burgtor, Hermannus Geftnower, Gebhardus Ehinger, Waltherus Blarrer, Cristoforus Lind, Vlricus Keller alias Binder, Johannes Phister, Hainricus Huter, Johannes Tettikofer alias Zapf, Hugo Stroli, Rudolfus Huber, Johannes Gunterswiler, Lutfridus Muntbrat, Ital Egli, Jacobus Verre, Johannes Betminger, Sebastianus Zuricher, Vlricus Geftnower, Vlricus de Arbona⁵, Hugo Engelli, Bentzo Wali, Johannes Blarrer et Conradus Weber cives et consules Constancienses maius consilium dicte civitatis Constanciensis facientes et representantes et pro submissis in consilio congregati bona et matura deliberacione prehabita in omnibus et singulis causa et causis in curia Romana et in sacro palacio dicti domini pape ipsis necnon magistriscivium consulibus et universitatibus opidorum in Rauenspurg⁶, in Lindow⁷, in sancto Gallo, in Wangen⁸ et in Buchorn⁹ in liga eorum existencium motis et movendis per peritum virum magistrum Johannem Tunnbach de Vberlingen¹⁰ in curia Romana morantem et econtra sibi motis et movendis per eosdem communiter vel divisim et inter easdem partes ibidem pendentibus suisque incidentibus emergentibus dependentibus et connexis, fecerunt constituerunt et ordinaverunt ac presenti instrumento faciunt constituunt et ordinant pro se et totali universitate singulisque personis dicte civitatis Constanciensis et dictis magistriscivium consulibus et universitatibus opidorum predictorum, de quorum ratihabicione dicti constituentes sub ypotheca submissa caverunt et cavent per presentes discretum virum Conradum Sachs prothonotarium civitatis Constanciensis predicte suum verum et legitimum procuratorem negotiorum gestorem et nuncium specialem ad sollicitandum procuratores ipsorum prius in dictis causis constitutos ac advocatos eorum ac ad promovendum et ad bonum finem producendum causas predictas necnon ad componendum translacionem et complanacionem faciendum et iniendum ac conveniendum cum ipso magistro Johanne Tunnbach pro certa peccunie summa ipsi procuratori per dictos constituentes expressa et non ultra ac ad promittendum pro ipsis constituentibus eandem summam et petendum recipiendum et obtinendum terminos solucionis eiusdem summe peccuniarum ac quitaciones sive quitacionem ab ipso magistro Johanne super solucione dicte peccunie et cuiusvis eiusdem peccunie partis ac eciam ad reportandum ab eodem pactum de summa peccuniarum, de qua cum eodem magistro Johanne per dictum procuratorem concordatum fuerit, dum soluta fuerit, amplius non petendo necnon omnia et singula alia faciendum gerendum et exercendum, que vero et ultimo procuratori a lege vel canone sunt concessa et que in premissa et circa ea necessaria fuerit vel oportuna, et ut idem procurator ipsorum a quolibet onere satisdandi relevetur, promiserunt dicti constituentes et quilibet eorum fide data sacramenti michi notario publico stipulanti et recipienti vice et nomine omnium, quorum interest vel interesse poterit in futuris se et magistroscivium universitates et consules antedictos ratum et gratum perpetuo habituros, quidque per dictum eorum procuratorem actum procuratum ordinatum fuerit in premissis sive gestum, pro ipsoque constituto procuratore iudicio sisti et iudicatum solvi sub rerum suarum omnium obligacione et ypotheca, et ut de premissis unum vel plura publicum vel publica conficerem instrumentum vel instrumenta iidem constituentes me notarium publicum subscriptum requisiverunt. Acta sunt hec anno indictione pontificatu mense die hora et loco quibus supra presentibus perito viro magistro Jodoco Richli phisico Constanciensi et discreto Erhardo Burst premissario in Bodmen¹¹ presbitero Constanciensis diocesis testibus ad premissa vocatis specialiter et rogatis. (ST) Et ego Conradus dictus Walker de Scaffusa clericus Constanciensis diocesis publicus imperiali auctoritate et curie Constanciensis notarius iuratus, quia dicti procuratoris constitucioni omnibusque et singulis aliis premissis unâ cum prenominatis testibus tempore et loco quibus supra presens interfui eaque sic fieri vidi et audivi et ut premittitur stipulatus fui, idcirco presens instrumentum manu mea propria scriptum exinde confeci et in hanc publicam formam redegi signoque meo solito consignavi per dictos constituentes requisitus in testimonium premissorum.