Wir graff Tonat von Toggenburg¹ graf ze Bratigow² vnd ze Thafauss³ vergahend mit dissem L brieff, das fur vns kam der beschaiden Hanss Kron burger ze Schafhusen⁴ vnd bat L vns erstlich, das wir vnsern willen dar zu gabend, das er Annen die Kroninen sin L elich wipp wiseti vnd ir vnd iren erben versatzti fuerzig stuk jarliches geltz, daz si vnd ir erben dar an habend werend, ab dem halben zehenden ze Slattingen⁵, den man nemt der gross zehend, vnd ab der halben hub, die dar in hort, der von vns lehen ist, fur fuerhundert guldin ir hainstur ze rehtem pfand on abniessen, der batte wir in habend geeret, vnd do versatzz do der selb Hans Kron fur sich vnd sin erben Annen der Kroninen sinem elichen wipp vnd iren erben ze rehtem pfand on abniessen mit vnserm gutten willen vnd gunst wor vns offenlich, das es nun vnd her nach kraft vnd maht haben sol, fuerzig stuk jarliches geltz an kernen an roggen vnd an habber ab dem halben zehenden ze Slattingen, den man nemt der gross zehend, vnd ab der halben hub, die darin hort, vnd ab allen den nutzzen vnd rehten, die dar in horend, vnd sol man ir vnd iren erben die fuerzig stuk jarliches geltz wor ab rihten vonn allen nutzzen on gewerd, wenn och die selb frowe ald ir erben der fuerhundert guldin nut lenger enberen wend oder der ain tail, das si die wend han, so migend si die fuerzig stuk oder der ain tail an griffen mit^a) versetzzen vnd mit verkoffend, gen wem si wend, vntz si bezalt werdent, on gewerd on vnser vnd vnser erben vnd nachkumen sumen vnd ierren vnd menliches von vnser wegen. Vnd dess ze warem vrkund aller disser wor geschriber ding vnd versatzzung habend wir wor benemter graff Tonat von Toggenburg fur vns vnd vnser erben vnd nachkumen vnser aigen insigel gehenket an dissen brieff. Der gaben ist ze Luehtenstaig⁶ an sant Jacobs abent, do man zalt von gotzz geburt druzehen hundert jar vnd darnach in dem sehs vnd nunzugosten jar.