Ich^a) Hainreich der Gessler¹ ritter bekenne offenlich fur mich vnd alle min erben L mit disem brief, daz mir der durchluchtig hohgeborn furst min gnediger L herr hertzog Leupolt hertzog ze Osterreich² etc. an der burghut ze Raprechtswile³, L die er mir yetzund empholhen hat vnd die anhebt auf den nechsten kunftigen sant Nyclas tag, yetzund fur gewert vnd bezalt hat drw hundert guter Rinischer guldin, der guldin mir des egenanten mins herren kamermaister zwen hundert vier vnd zwaintzig guldin geben hat. So hat mich denn min egenanter herr vmb die vbrigen sechs vnd sibentzig guldin verschaft an den Stehellin ze Winterthur⁴. Vnd darvmb so sag ich den egenanten minen herren vnd sin erben an der egenanten burghut der vorgenanten drw hundert guldin fur mich vnd alle min erben allerding quit ledig vnd los. Mit vrkund ditz briefs, daruf ich min betscheft gedruket han, wan ich zu disen ziten min insigel by mir nit han. Geben ze Ensesheim⁵ an sant Andres tag anno domini millesimo trecentesimo nonagesimo sexto.