Bvrkardus^a) dei et apostolice sedis gratia episcopus Constan(ciensis)¹ universis Christi fidelibus presentibus ac futuris, ad quos presentes nostre littere pervenerint, subscriptorum noticiam cum salute. Cum dudum L felicis recordacionis Vlricus episcopus Constan(ciensis)² predecessor noster ac prepositus decanus totumque capitulum ecclesie nostre Constan(ciensis) ad honorem omnipotentis dei et gloriosissime virginis et matris Marie tociusque L celestis curie in predicta ecclesia Constan(ciensi) duas prebendas^b) seu cappellanias novas erexerint, quarum prebendarii sive cappellani in altari summo ipsius ecclesie Constan(ciensis) in festivitatibus trium leccionum L seu eciam privatis diebus missarum sollempnia sicut canonici eiusdem ecclesie hactenus facere consueverunt et solent sollempniter celebrare et peragere possent, ipsis eciam prebendis extunc certis licet modicis redditibus dotatis, et subsequenter bone memorie Hainricus episcopus Constan(ciensis)³ similiter predecessor noster de consensu eciam et voluntate tunc capituli ecclesie Constan(ciensis) predicte ex eo videlicet et ob id, quia huiusmodi due prebende nondum adeo sufficienter fuerint sicut nec sunt hodie dotate, quod cappellani seu prebendarii earundum prebendarum divinum cultum eis institutum et ordinatum peragere valent. Huiusmodique due prebende aliquod altare proprium non habebant, in quo alter prebendariorum altero in maiori seu summo altari celebrante divina perageret officia iuxta institutionem prebendarum earundem, huiusmodi duas prebendas altari in dicta ecclesia Constan(ciensi) a latere sinistro prope archam, in qua elimosine ad fabricam dicte ecclesie Constan(ciensis) deponuntur et conservantur, constructo et in honore beatorum Marie Magdalene necnon Lazari et Marthe ac Maximini episcopi per dictum quondam Hainricum episcopum consecrato incorporaverit unierit et annexerit, et considerato quod prebendarii sive cappellani earundem duarum prebendarum congrue sustentari non poterant de redditibus, quibus eedem due prebende fuerunt et sunt dotate, ad laudem omnipotentis dei et gloriosissime virginis Marie uberius dotare volens, ut prebendarii sive cappellani earundem duarum prebendarum divinum cultum eis impositum et institutum comodius et plenius peragere possent, de consensu similiter capituli dicte ecclesie Constan(ciensis) parrochialem ecclesiam in Masnang⁴ nostre dyocesis, cuius iuspatronatus ad episcopum Constan(ciensem) pro tempore existentem dinoscitur pertinere et pertinet, predictis duabus prebendis et predicto altari cum omnibus iuribus et pertinenciis suis univit et incorporavit iuribus tamen episcopalibus sibi et successoribus suis et ecclesie Constan(ciensi) de ecclesia predicta reservatis. Et alias statuit et voluit, prout in litteris dicti quondam Hainrici episcopi Constan(ciensis) eius et eciam capituli ipsius ecclesie Constan(ciensis) sigillis sigillatis, ad quos nos hic referimus et habere volumus pro inseritis, latius continetur. Cum autem hucusque unio seu incorporacio dicte ecclesie nondum sit sortita suum effectum ex eo, quod Ludewicus Lonberg⁵ tunc ipsius ecclesie rector eandem ecclesiam in Masnang tenuit et possedit et modo dicta ecclesia vacare noscatur per eius liberam resignacionem seu ex eo, quod matrimonium cum quadam muliere legitime contraxit, nos cupientes divinum cultum nostris temporibus precipue in ecclesia nostra Constan(ciensi) adaugeri, ad laudem omnipotentis dei et gloriosissime virginis et matris Marie et tocius celestis curie de consensu dilectorum et fidelium nostrorum capituli ecclesie nostre Constan(ciensis) omnia et singula acta et facta per predecessores nostros predictos rata et grata habemus ipsaque innovando approbamus et confirmamus, atque eciam denuo prefatam ecclesiam in Masnang cum omnibus iuribus et pertinenciis suis congrua sustentacione vicarii sive sacerdotis ipsam ecclesiam inofficiantis et subditis in divinis officiis preessentis reservata, dictis duabus prebendis et altari supradicto, quibus de presenti dilecti in Christo Johannes dictus Schmid ac Johannes Mollitoris presbiteri ut prebendarii seu cappellani presunt, annectimus unimus et incorporamus nobis et successoribus nostris iuribus episcopalibus videlicet primis fructibus, qui vicario eiusdem ecclesie cedente vel decedente nobis vel successoribus nostris solvi debentur, ac consolacionibus necnon archidyaconalibus de ipsa ecclesia reservatis, inducentes dictos Johannem et Johannem prebendar(ios) seu cappellanis^c) dictarum duarum prebendarum et quoslibet suos successores nomine dictarum prebendarum ac altaris predicti in corporalem et realem possessionem dicte ecclesie nunc vacantis per presentes, volentes nichilominus atque statuentes hiis in scriptis, quod eciam anniversarium nostrum per dictos cappellanos dictarum prebendarum pro tempore existentes singulis annis proxima die ante festum sancti Martini episcopi, qua hoc fieri convenerit, alioquin proxima die eandem diem precedentem devote celebretur, et si, quod absit, aliquo anno per ipsos cappellanos pro tempore existentes celebracio dicti nostri anniversarii negligeretur, quod extunc eodem anno dumtaxat tociens quociens huiusmodi neglienciam evenire contigerit, redditus et proventus, qui ipsis cappellanis de dicta ecclesia in Masnang cedere debebant, cedere debeant et cedant hospitali pauperum sito super ponte Reni civitatis Constan(ciensis)⁶ in penam negliencie celebracionis anniversarii nostri predicti. In quorum omnium testimonium sigillum nostrum episcopale una cum sigillo predicti capituli presentibus duximus appendendum. Nos vero Albertus decanus totumque capitulum ecclesie Constan(ciensis)⁷ in testimonium omnium premissorum sigillum nostri capituli una cum appensione sigilli ipsius domini episcopi duximus presentibus appendendum. Datun et actum Constan(cie) anno a nativitate domini millesimo trecentesimo nonagesimo septimo, IIII klnd. ianuarii, indictione quinta.