Wir^a) Kurêsel von gottis verhenknust abt des gotzhus ze Rinow¹ sant Benedicts ordens in Costentzer byLstum gelegen tunt kunt allermenglichem mit disem brief, dz wir durch nutz vnd fromen vnsers vnd des ietzLgenanten vnsers gotzhus fur vns vnd vnser nachkomen mit dem erwurdigen herren abt Rudolfen abt des gotzLhus ze sant Johann in Turtal² ouch des obgenanten ordens vnd bystums ainen rehten vnd redlichen wechsel getan hant vnd in ain komen sint, alzo dz wir Katherinen Longruberinen Hainr. Longrubers von Truhtlicon³ elichen thoter Burkartz Hofmans von Matzingen⁴ elichen wirtinnen mit lip vnd gut vnd mit aller zugehort, die von dem lip vnd gut vnsers des vorg(eschriben) gotzhus gewesen ist, geben haben dem obgenanten abt Rudolfen sinen nachkomen vnd sinem gotzhus ze sant Johann vmb Elsbethen Werderinen Rudolfs Werders von Truttikon⁵ elichen thoter Hans Payers elichen wirtinnen, die von aigenschaft wegen irs lips des vorgenanten gotzhus ze sant Johann gewesen ist, mit lip vnd gut vnd mit aller zugehort vsgenomen den kinden, die su ietzot hat, die selben kind der obgenant abt Rudolf im vnd sinen nachkomen vnd sinem egenanten gotzhus in disem wechsel behebt hat, vnd habent disen wechsel alzo in namen vnd an statt vnsers gotzhus fur vns vnd vnser nachkomen getan vnd volfurt mit aller ordnung vnd kraft worten vnd werken, so darzu vnd zu semlichem sachen gehorten, als gewonlich vnd reht ist, an all geuarde, vnd verzihend vns hier vber in dirre sach fur vns vnd all vnser nachkomen aller der helf rehten schirmungen gesetzten vnd funden, da mit wir ald vnser nachkomen oder ieman anders von vnser ald vnser nachkomen oder vnsers gotzhus wegen dehain ding getun kond oder moht, da mit diser vorgeschriben wechsel verniht oder bekrenkt werden moht in dehainen wege, der ie erdaht wart oder noch funden wurde als an geuarde. Vnd des ze vrkund vnd ainer staten vesten warhait aller diser vorgeschribenen ding, dz die gut kraft vnd macht nu vnd hienach haben sollent, so haben wir obgenanter abt Kuresel vnser insigel fur vns vnd vnser nachkomen offenlich gehenkt an disen brief. Der geben ist ze Rinow in vnserm vorgenanten gotzhus an dem nachsten donrstag nach sant Blasis tag des hailigen bischofs vnd martres, do man zalt von Crists geburt druzehenhundert nuntzig vnd siben jare.