Allen^a) den, die disen brief sehent oder horent lesen, kunden vnd veriehen wir Herman Gaisser vnd Margaretha L Swanderin von sant Gallen sin elichi wirtinne sesshafft ze Kratzeren¹ an der Sittren², das wir baidi willeklich vnd och L wolbedahtklich ietweders mit siner truw gelopt vnd verhaissen habent vnd och lobent mit disem brief, niendert L burger ze werdent noch von dem gotzhus ze sant Gallen, des gotzhus lut wir sind, mit lib noch mit gut ze fluhenn noch ze entwichenn noch schirm vnd fluhtsami ze suchenn vnd hinder demselben gotzhus mit lib vnd mit gut ze sitzenn vnd ze belibenn, ân alle geuard. War aber, das wir das dehainest vber furint, das doch got wend, so ist alles das ligend gut, das wir ietzo habent ald hienach iemer me gewunnen mohtint, mit allen zugehorden demm egeseiten gotzhus ze sant Gallen veruallen ân alle widerred. Vnd verzihen vns och vestklich mit vrkund diss briefs fur vns vnd vnser erben aller behelff frihait vnd schirm, so vns wider dehainen vorgeschriben articul vnd articuls mainungen geschirmen vnd gefrijen kund ald moht, ân alle geuerd. Vnd ze offem warem vrkund vnd gantzer sicherhait aller vorgeschribner ding haben wir erbetten die erbern wisen lute Cunraten Johler ab der Hub³ vnd Walther Schurpfen burger ze sant Gallen, das su iri insigel fur vns gehenket hand an disen brief, doch inen vnd iren erben vnschadlich, won vnser deweders aigens insigels nit hett. Geben ze sant Gallen an dem nahsten samstag vor dem mayen tag des jares, do man zalt von gottes geburt tusent druhundert nuntzig vnd siben jare.