Ist ein ehrblechen brief, wie Vlrich Rüegker, Johanes Egerich vnd Johanes Iten pfleger vnd meister Ruedolffen von Hoffen¹ daß guet Staigen² bei Capel³, so ietziger zeit Bernhart Ziegler vnd Balthoß Gerster inhaben, vmb 6 muth veßen 6 muth haber jerlichs zinß zu ehrblechen verlichen haben, dergestalt daß so wan ein zinß den anderen vnbezalt erluffe, daß alß dan daß güetlin Staigen dem spital⁴ ledig vnd loß heimgefallen sein soll, deß gleichen, daß er daß güetlin in gueten ehren rechter zeit beüwen erhalten, daruon vngefragt verkouffen solle, eß hat auch der spital macht raiffholtz zu hauwen vf dem hoff, wo ers findt vnd wie vil er wil. Laut deß anfang: Ich Ruedolff von Hoffen zu den zeiten seßhafft zu Thüerenmüli⁵ thue kundt etc. vnd sein datum freitag nach creutztag im meien A^o 1397.