Ich Wilhalm der Frawnberger vom Hag¹ bechenne offennlich mit dem brife, L daz mich die erbergen vnd weisen der rat vnd die burger der stat zu sand L Gallen erberchleich bericht vnd bezalt habent irer gewonleichen statstewer, die L sy meins herren genaden dez Romischen kunigs pflichtig zw geben sind nach lawt vnd sag der quitantzen, die in meins herren genade darumb gesant hat, vnd sag sy auch darumb gentzleich quit ledig vnd loz mit vrchunde des offenn brif mit meinem aufgedrukchten insigll. Der geben ist dez nochsten suntags vor aller heiligen tag in dem siben vnd newtzigistem jar.