Bonifatius etc. Dilectis filiis in Piscina¹ et in Ruten² monasteriorum abbatibus Constanciensis diocesis ac decano ecclesie Basiliensis³ salutem etc. Militenti ecclesie etc. Sane dilectorum filiorum abbatis et conventus monasterii sancti Galli Romane ecclesie immediate subiecti ordinis sancti Benedicti Constanciensis diocesis conquestione percepimus, quod nonnulli archiepiscopi episcopi aliique ecclesiarum prelati et clerici ac ecclesiastice persone tam religiose quam seculares necnon duces marchiones comites et barones nobiles milites et laici conmunia civitatum universitates opidorum castrorum villarum et aliorum locorum et alie singulares persone civitatum et diocesum ac aliarum parcium divisarum occupaverunt et occupari fecerunt castra villas et alia loca terras domos possessiones iura et iurisdicciones necnon fructus census redditus et proventus dicti monasterii et nonnulla alia bona mobilia et immobilia spiritualia et temporalia ad abbatem et conventum ac monasterium predictos spectancia et ea detinent indebite occupata seu ea detinentibus prestant auxilium consilium vel favorem etc. Presentibus post quinquennium minime valituris. Datum Rome apud sanctum Petrum secundo kl. decembris anno nono. N.^a-) XXX de beneficio^-a).