Ich Bertely vogt von Swarczenbach vnd ich Hans Egen sesshaft zu Brunlingen² vergehen, als vnser gnediger herr von Osterrich schribet herren ritter vnd knechten von der hohen gericht wegen zu Engen³ vmb ain kuntschaft zu sagen, also sagen wir, das vns ze wissen ist, das vnser herren von Hewen⁴ die hohen gericht inn gehept hand stok vnd galgen lantsassen vnd den wiltpant vnd jagetent in aller ir herschaft ane menglichs irrung vnd ansprach bys vff die zit, das si die herschaft versacztent. Vnd des zu vrkund so han ich Bartely vogt von Swarczenbach besigelt fur den vorgenanten Hansen Egen vnd fur mich zu end dirr geschrift. Geben an der nechsten mittwochen nach Reminiscere anno etc. quinto.