Wir^a Fridreich von gots gnaden hertzog ze Osterr(eic^h1 ze Steyr ze Kernden vnd ze Krain graf ze Tyrol etc. bekennen||
vnd tun kunt offenl(ic^h mit dem brief fur die hochgeborn fursten vnser lieb pruder vns vnd vnser erben, als der ersam gaistl(ic^h||
vnser lieber besunderr abbt Chun zu sant Gallen² vns yetzund zu getrewr hannd vnd in scherms weis zu nutz||
vnd from(eⁿ seinselbs vnd seins gotshauses zu sant Gallen vnd aller seiner leutt vnd guter ingeantwurtt hat sein vest Yberg³ mit allen den zinsen stewrn gerichten zwingen vnd bennen vnd mit aller andrer gewaltsame, so dartzu gehoret, daz wir also demselben abbt versprechen wissentl(ic^h mit dem brief bey vnsern furstlichen trewen vnd gnaden, daz wir die genant vest Yberg mit aller irer zugehorung zu des vorgenanten gotshaus hannden vnd gwalt wider geben vnd antwurtten wellen vnd sullen ane alles furwort widerred vnd verziehen, wenne die der vorgenant abbt Chun oder sein nachkomen an vns oder vnser erben oder an vnsern lantvogt, wer der zu den zeiten ist, ob wir selber in lannd nicht wern, vordert, es sey vber lang oder vber kurtz. Vnd ob wir halt denn nach solicher vordrung mer kost vnd zerung von purkhut wegen oder sust, wie das kem oder gescheh, dargelegt hetten, denn wir dauon hieten aufgehebt, des sullent si gentzlich vnengolten vnd ane all zuspruch bekumrung vnd scheden von vns beleiben ane all ausszug arglist vnd geuerde. Vnd daruber ze vrkund geben wir im den brief versigelten mit vnserm anhangunden insigel. Der geben ist ze Schafhusen⁴ an suntag nach sant Philipps vnd Jacobs tag nach Kristi geburde in dem viertzehenhundertisten vnd dem fumften jare.