Fridrich von gotz gnaden hertzog ze Osterrich² etc. Erbern wisen vnd lieben getruwen. Wan wir vnser veynden vnd die sich yetz fur vnser gsloss||
ze Altstetten³ mit gewalt vnd irem gezug gelegt habent, ye mainen ze weren solich geliger, dauon||
begeren wir an uch vnd bitten vnd manend uch mit allem getruwen vnd ernst, das ir vns darzu||
ewern puchsenmayster her schikhet ân allen auffschub vnd verziehen, also das der auf die mittichen nechst kunftigen hie by vns sy so vssgerichtet, das er derichts mit vns vnd ander den vnsern zu dem besesse^a ziehen vnd da^b arbaite vnd tu nach vnsererz anwisen, als sich dann gebure, vnd getruwen uch wol, ir habt darinn dhain verziehen nicht, won wir vns des datz ew gentzlichen verlassen. Geben ze Schaffhusen⁴ an dem hailigen phingst abent anno domini etc. quadringentesimo quinto.