Fridrich von gotes gnaden hertzog ze Osterrich etc. Lieben getruwen, wir lassen uch wissen, das sich vnser vyend die Appentzeller¹ fur vnser stat||
Altstetten in dem Rintal geslagen hant, vnd mainen mit vnser selbs lib dartzu ze ziehen vnd||
sy ze entschutten. Dauon begeren wir gar ernstlich, daz ir vns ain raisigen harsch,||
so ir den denn best gehaben mugent, dartzu vnuertzogen schikent, daz der an dem nechsten donrstag zu nacht by vns ze Costentz sye, als wir des ain sunder getruwen zu uch haben, vnd schaffent vns auch vnuertzogenlich vf vnsern kosten her vf gen Costentz zwai tusent guter phil vnd drivhundert furpfil, so ir denn maist gehaben mugent, vnd als uch ouch vnser diener Michel, der uch den brief antwurt, vnser maynung darinn ouch ze erkennen geben wirdet. Geben ze Schafhusen an dem hailigen pfingstag anno etc. MCCCCmo quinto. D(ominu^s dux in cons(ilio.