Wir^a frow Elsbeth grafin von Werdenberg von Sangans¹ vergechent vnd tund kunt allermanlichem offenLlich mit disem brieff, dz wir mit dem amman vnd mit den lantluten gemainlich ze Appenzell² vber ain kommen||
sind, also dz wir den vorgenanten lantluten vnser vesti die Hochen Sax³ in geben hand inen vnd iren helferen, doch||
mit solichem geding, dz wir vorgenante frow Elsbeth von Werdenberg von Sangans frow ze Sax vnd och die vorgenanten der amman vnd die lantlut ze Appenzell dz vorgenant hus besetzzen vnd entsetzen mugend, wie ez vns zu baiden tailen fuglich ist. Ez ist och me beredt, wz wir vorgenante frow Elsbeth von Werdenberg von Sangans frow ze Sax in der vesti oder vssrenthalb der vesti habind oder wz zu der vesti gehort, es si lut oder gut, dar zu wir recht habin, da sond wir vorgenanten der amman vnd die lantlut ze Appenzell die egenant frow Elsbethen vnd ir erben an weder sumen noch ierren vngeuarlich, vnd sond och der vorgenanten frow Elsbethen dar in beholfen vnd beraten sin ir vnd iren erben alz andern vnsern lantluten. Och ist me beredt, wie die vorgenanten lantlut die egenant vesti besetzend, dz dz vns an schaden soll beschechen vngeuarlich. War och, dz wir vorgenante frow Elsbeth von Werdenberg von Sangans stosz gewinnind mit ainem lantzman, so sollind^b mit im dz recht vstragen vor dem amman vnd den lantluten ze Appenzell. Wir die vorgenant frow Elsbeth von Werdenberg von Sangans vergechent och, dz wir dero von Appenzell lantfrow worden sind in aller der masz alz ander ir lantlut. Vnd dez ze vrkund ainer warhait so hand wir vorgenante frow Elsbeth grafin von Werdenberg von Sangans frow ze Sax vnser insigel gehaissen henken an disen brieff. Diser vnd aller vorgeschribner ding zu merer sicherhait so hand wir frow Elsbeth von Werdenberg von Sangans gebetten den edlen wolgebornen vnsern lieben vetter graff Rudolfen von Werdenberg⁴, dz er och hat gehaissen sin insigel henken an disen brieff, alz dz stat ze halten, dz von vns vor an disem brieff geschriben stat. Wir vorgenanter graff Rudolff von Werdenberg vergechent, dz wir von flissiger bett wegen, so min liebu mum frow Elsbeth von Werdenberg von Sangans dar vmb an mich getan hat, min insigel offenlich han gehaissen henken fur si an disen brieff, mir vnd minen erben an schaden. Der geben ist am mantag nach sant Vlrichs tag dez jares, do man zalt von Cristi geburt vierzechen hundert jar, dar nach in dem funften jar.