Wir der burgermeister der rat vnd burger gemeinlich der statt ze sant Gallen, der||
amman der hoptman vnd die lantlute gemeinlich ze Appazell¹ tun kunt menlichem, dz wir fur vns fur alle vnser helffer vnd diener^a fur alle die, so zu vns gehorent,||
vnd fur alle die, so vnserhalb zu der sach gehaft sint, einen getruwen frid vfgenomen haben mit dem hochgebornen durluchtigen fursten herzog Friderich herzog ze Osterrich² ze Styr ze Kernden ze Krayn graf ze Tyrol etc. mit allen sinen helffern vnd dienern vnd mit allen dien, so zu im gehorent, vntz vff vnser frowen tag, so nu schierest ze herpst kunt, vnd den selben tag allen vngefarlich, doch also, dz wir noch die vnsern den friden vs vff sy nicht zuchen noch reisen sullen. Werb-) aber, das ieman, wer der wer, vns vnd den vnsern in disem frid dehein kost oder kof geben oder zufuren wolt, das mag die obgenant herschaft vnd die iren werren vnd wenden, ob si wellent-b). Mit vrkund ditz briefes^c. Mit vnserm der obgenanten von sant Gallen insigel vnd^d mit vnserm der egenanten von Appazell gemeines landes insigel offenlich besigelt. Geben ze sant Gallen an sunentag vor vnser frowen tag ze ogsten anno domini MoCCCCmo quinto.