Wir^a der burgermaister vnd der raut gemainlich ze sant Gallen vnd wir die landtLlut gemainlich ze Appenzell¹ vergehen offenlich an disem brief fur vns vnd fur alle||
vnser diener vnd helffer vnd ôch fur alle die vnsern vnd besunder fur die nvn knecht,||
die dem edeln vnd vesten ritter herr Hansen dem Truchsaszen² von vnsern wegen widerseit hetten, von der stosz mishellung vnd krieg wegen, so wir vnd alle die vnsern gehebt haben mit dem ebenempten her Hansen dem Truchsaszen vnd mit allen den sinen, sy syen sin diener oder helffer. Der selben stosz miszhellung vnd krieg aber wir vff baider syt komen syen vff die ersamen fursichtigen vnd wysen gemain stett des pundes vmb den Sew³ vnd in dem Allgow⁴. Bekennen wir in craft vnd macht dicz briefs, daz vns die ze baidersit vmb alles daz, dz sich zwischen vnser baider sit verloffem^b hât bis vff disen hutigen tag, alz der brief geben ist, es sy mit worten oder mit^c werken mit ratten oder mit getatten haimlich oder offenlich, mittander^b verricht vnd dar vmb verainet hand, also daz wir daz baider sit noch dehain vnser diener noch helffer genainander nit afern noch rechen sullen vnd daz ôch wir baider syt vmb alle vergangen sach ain gantz vrfehe vnd fruntschaft gen ainander halten sullen vnd wellen getrwlich vnd âne alle geuerd. Vnd des ze vrkund so haben wir die vorgenanten von sant Gallen vnd och wir von Appenzell vnsriv insigel offenlich gehenkt an disen brief fur vns vnd fur alle vnser diener vnd helffer vnd fur alle die vnsern vnd besunder fur die obgenanten nvn knecht. Der brief ist geben an dem nachsten mentag vor sant Martis tag nach Cristi geburt vierzehenhundert jaur vnd darnach in dem funften jaur.