Wir a) abt Rudolf vnd der conuent gemeinlich des gotzhus ze sant Johanns im Thurtal Costentzer||
bystum gelegenn bekennen vnd vergehend offenlich mit dem brief, als vns der durluchtig hochLgeborn furst hertzog Fridrich hertzog ze Osterr(eic^h etc. vnser genediger herre den wingarten ze Getzis||
in geben vnd enpholhen hat, also haben wir im gelopt vnd versprochen by vnsern wirden vnd truwen, wenn der obgenant vnser genediger herre oder die sinen den egenanten wingarten von vns ervordrend, dz wir in denn abtretten vnd in den selben wingarten widerumb in antwurten sullend vnd wellend an all arg list widerred vnd geuerd. Vnd des ze vrkund haben wir die obgenanten apt Rudolf vnd der conuent des gotshus ze sant Johanns im Thurtal vnser eigen ingesigel offenlich gehenket an den brieffe. Der geben ist ze Schaffhusen an mittichen vor vnsers herren fronlichams tag nach Cristus geburt in dem vierzehenhundertisten vnd sechsten jare.