Nos Cuno dei gratia abbas monasterii sancti Galli¹ ordinis sancti Benedicti Constan(tiensi^s dyocesis sedi apostolice inmediate subiecti||
universis Christi fidelibus notitiam subscriptorum cum salute. Noverint universi, quos nosce fuerit oportunum, quod nos subscriptos fratres videlicet Cunradum||
dictum Volin de sancto Gallo et Cunradum Ronser de Guntzburg² conversos ordinis nostri prefati sub obedientiam recepimus, qui etiam humilem obedientiam||
nobis nomine ordinis fecerunt et promiserunt. Quapropter causa fragilitatis suorum corpororum^a bone pacis et constantie ac quietis ipsis liberam potestatem in civitatibus oppidis villis clausuris necnon in silvis atque in aliis locis honestis manendi vitam eorum, quamdiu volunt, ibidem trahendi, nisi nostris vel successorum nostrorum litteris fuerit revocatum, tradidimus atque presentibus tradimus et concedimus omnibus etiam presbyteris tam secularibus quam spiritualibus, cum quibus moram traxerint vel quos super hoc quesierint, ipsis confessionem audiendi, penitentiam salutarem iniungendi sacramentum eukaristie et alia sacramenta ecclesiastica ministrandi, quando et quotiens petierint, si opus fuerit, plenam nostram presentibus concedimus potestatem et auctoritatem. In cuius rei testimonium sigillum nostrum abbatiale duximus presentibus appendendum. Datum in oppido nostro Wil³ proxima feria quarta ante festum beati Bartholomei apostoli anno domini millesimo quadrigentesimo sexto, indictione XIIIIa.