Ich Dietrich von Harach vergich offenbar an diesem prief vnd tuen chunt allen den, die in ansehent oder horent lesen, di nu lebent oder noch chunftig sind, daz ich mit wolueraintem muet vnd mit recht bedechtigen sachen mit meiner sun aller vierer guetlichem willen han gegeben ze einem ewigen selgeret meinen weingarten datz Nevnburch, der genant ist der Dechler, mit allem dem recht vnd ich in gehabt han langen jar her in rechter purchrechtes gwer,der edeln chuneginne sant Marein hintz dem Hohenfuert, also daz man meiner sel vnd allen meiner vodern damit geholfen schol sein mit singen vnd mit lesen vnd mit allen gueten dingen, di in dem chloster von der samnung ewichlichen geschiecht. Vnd daz daz vor gesriben selgret gancz vnd staet vnd vnzebrochen dem chloster ze Hohenfuert ewichleich beleib, han ich in gegeben diesem prief versigelt mit meinem anhanngunt insigil, vnd mit hern Wenischen insigil meines suns, vnd mit hern Jansen insigil des Sirendorfer zten ceiten perchmaister vber den vorgenanten weingarten. Der prief istgeben, da seid Christes gepuerd ergangen waren drevzehen hundert jar vnd dar nach in dem drevnddreizkisten jar an vnser vrowen tag der liechtmiss.

Source Fulltext: PANGERL, Stift Hohenfurth (=FRA II/23, Wien 1865) S. 79