Ich Chunrat ze den zeiten richter ze Geleinstorf vnd mein pruder Wolfger ze Niderngrueb vergehen offenleich an disem prief allen den, di in sehent oder horent lesen, daz wir verhaizzen haben für Eklharten den Selyczer, daz der dem gotshaus ze Reychsperig vnd seinen pflegern vnd irem ampmann gehorsamer hold sei, daz er di vordrang, di ze recht von dem hof gehoert, ierleich geb zu den zeiten, swann mann ze recht geben schol. Veberfuer er daz, so hab wir gewalt von dem gotshaus vnd seinen pflegern vns des hofes vnderwinden vnd da von wider cheren dem gotshaus allez, daz er versezzen vnd verhabt hat. Vnd dar zv zv einem vrchund geb wir im disen prief versigelt mit meinem Chunrats anhangenten insigel. Der ist geben ze Wiennen, da ergangen waren von Christes gepurd drevczehen hundert iar dar nach in dem viervndvierczgisten iar and sant Veits tag.

Source Fulltext: PANGERL, Anhang Stift Hohenfurth (=FRA II/23, Wien 1865) S. 394