Bartholomeus, decanus ecclesie sancti Egidii maioris ciuitatis Pragensis, et Stephanus canonici Pragensis ecclesie, reuerendissimi in Christo patris et domini domini Arnesti dei et epostolice sedis gratia sancte ecclesie Pragensis archiepiscopi executoris principalis ad infrascripta a sede .apostolica deputati vicarii in spiritualibus generales, venerabilibus ac religiosis viris abbati et conuentui monasterii in Altouado ordinis Cisterciensis Pragensis diocesis ac omnibus et singulis, ad quos presentes littere peruenerint et quos infrascripta contingunt seu contingere poterunt, quoquo modo quocumque nomine censeantur, salutem in domitio et mandatis nostris ymo verius apostolicis humiliter obedire. Litteras sanctissimi in Christo patris et domini nostri domini Innocencii diuina prouidencia pape VI^ti eius vera bulla plumbea cum cordula canapis bullatas sanas et integras omnique suspicione carentes presentatas nobis per discretum virum, Mauricium de Malenicz presbiterum eiusdem dyocesis nos cum ea, qua decuit, reuerencia recepisse noueritis sub hac forma: [Folgt die Bulle des Papstes Innocens VI., ausgestellt zu Auinione 1353. 12. Februar. (N. XCIX.)]. Post quarum litterarum apostolicarum presentacionem et lecturam predictus Mauricius presbyter nobis humiliter supplicauit, ut dictum mandatum apostolicum predicto domino nostro archiepiscopo Pragensi in hac parte commissum vice et nomine ipsius executoris nobis in hac parte commissum exsecucioni debite mandaremus. Nos igitur vicarii prefati tamquam obediencie filii volentes mandatum apostolicum predictum exsequi reuerenter auctoritate apostolica, qua fungimur in hac parte, de vita et conuersacione ipsius presbyteri et aliis circumstanciis in ipsis litteris apostolicis contentis iuxta traditam nobis formam in quisiuimus diligenter, et quia ipsum ex fide dignorum testimonio vite laudabilis et honeste conuersacionis esse reperimus nec inuenimus aliquod canonicum, quod obstet eidem, propter quod dicta prouisio retardari uel impediri deberet, ipsum pronuncciamus abilem et idoneum ad ecclesiasticum beneficium obtinendum vsque ad ualorem et summam in eisdem litteris apostolicis comprehensam. Ideoque ecclesiasticum beneficium nulli alii de iure debitum cum cura uel sine cura eidem presbytero sibi tamen competens secundum sue probitatis merita spectans ad collacionem uel presentacionem vestram, si quod in ciuitate uel dyocesi Pragensi vacat, ad presens consuetum ab olim clericis secularibus assignari, cuius redditus annui summam viginti marcarum cum cura uel sine cura quindecim secundum taxacionem in prefatis litteris apostolicis contentam non excedant, quod idem presbyter per se uel procuratorem suum ad hoc legittime constitutum infra vnius mensis spacium a noticia vacacionis ipsius duxerit acceptandum, cum omnibus iuribus et pertinenciis suis auctoritate apostolica conferimus et eidem de ipso prouidemus, ipsumpue per birretum nostrum inuestimus de eodem. Vosque abbatem et conuentum necnon omnes et singulos alios, quorum interest uel interesse poterit, primo secundo tercio et peremptorie requirimus et monemus communiter et diuisim vobis nichilominus in virtute sancte obediencie precipiendo mandantes, quatinus infra sex dies a presentacione seu notificacione presencium vobis facta, quorum duos pro primo pro secundo et reliquos duos vobis et aliis, quorum interest uel interesse poterit, pro tercio et peremptorie termino ac monicione canonica assignamus eundem presbyterum uel suum procuratorem eius nomine ad dictum beneficium, de quo sibi prouidimus, sine difficultate qualibet recipiatis et eciam admittatis, permittentes ipsum pacifica ipsius beneficii possessione gaudere, amouentes ab eo quemlibet illicitum et iniustum detentorem, quem et nos exnunc prout extunc amouemus, sibique uel eius procuratori pro eo de ipsius beneficii fructibus redditibus prouentibus e obuencionibus vniuersis, prout ad uos pertinet, faciatis integre responderi. Quod si dictum beneficium, de quo sibi prouidimus, in ecclesia collegiata existat, eundem presbyterum uel procuratorem suum eius nomine infra predictum terminum, prout ipsius beneficii qualitas exigit, in canonicum et in fratrem ipsius ecclesie recipiatis et recipi ab aliis faciatis, stallum in choro et locum in capitulo ipsius ecclesie, ut moris est, cum omni plenitudine iuris canonici sibi uel procuratori suo pro eo assignando. Si uero tempore date (sic) presencium nullum beneficium tale cum cura uel sine cura ad vestram, domine abba et conuentus, collacionem seu prouisionem pertinens in ciuitate uel dyocesi predictis vaeabat (sic), nos beneficium simile ac eciam beneficium minoris valoris, si dictus presbyter huiusmodi beneficium infra vnius mensis spacium, postquam sibi de ipsius beneficii vacacione coustiterit, acceptare voluerit, in ciuitate uel dyocesi supradictis proxime uacaturum conferendum eidem presbytero cum omnibus iuribus et pertinenciis suis collacioni nostre et cuilibet subdelegatorum nostrorum infrascriptorum ymo pocius apostolice reseruamus, districcius inhibentes vobis abbati et conuentui predieto ac omnibus aliis, quorum interest uel intererit, ne huiusmodi beneficium per nos dicto presbytero collatum uel conferendum, ut premittitur, reseruatum alicui alii conferatis, seu ad ipsum quemquam alium presentetis, aut de illo uel aliquo iure ad ipsum beneficium quomodolibet pertinente in preiudicium dicti presbyteri quomodolibet disponatis, ac decernentes exnunc irritum et inane, si secus super hiis a quoquam quauis auctoritate scienter uel ignoranter contigerit attemptari prefatas quoque litteras et hunc nostrum processum ac omnia et singula instrumenta et litteras dicti presbyteri negocium huiusmodi contingencia; si et quando ad uos peruenerint, retenta ipsorum copia, si eam habere volueritis, quam vobis fieri decernimus vestris tamen sumptibus et expensis, eidem presbytero uel procuratori suo pro eo, cum super hoc ab eis uel eorum altero requisiti fueritis, sine difficultate qualibet restituatis integra et illesa sub pena superius expressa ac aliis predictis et infrascriptis nostris monicionibus et mandatis plenarie obedire studeatis. Quod si forte, quod absit, premissa omnia et singula, prout ad uos et singulos vestrum pertinent, non adimpleueritis aut aliquid in contrarium feceritis uel monicionibus et mandatis nostris huiusmodi ymo verius apostolicis in hac parte non parueritis cum effectu, in vos dominum abbatem et conuentum predictum et contradictores quoslibet et rebelles ac dictum presbyterum quomodolibet impedientes super premissis aut in aliquo impedientibus ipsum dantes consilium auxilium uel fauorem publice uel occulte directe uel indirecte, cuiuscumque status ordinis gradus preeminencie dignitatis auctoritatis seu condicionis existant, exnunc singulariter et in singulis predicta monicione canonica premissa excommunicacionis sententiam ferimus in hiis scriptis absolucione omnium et singulorum, qui predictas et infrascriptas nostras ymo pocius apostolicas sentencias uel earum aliquam iucurrerint, quoquomodo nobis uel superiori nostro preterquam in mortis articulo tantummodo reseruantes. Ceterum cura ad exsecucionem huiusmodi vlterius faciendum non possumus quo ad presens personaliter interesse, venerabilibus et discretis viris decano Dudlebensi plebano ecclesie in Rosenberch et plebano ecclesie in Pryedal, quibus et eorum cuilibet in solidum super essecucione predicti mandati apostolici atque nostri tenore presencium committimus vices nostras, donec eas ad nos duxerimus reuocandas, quos et quemlibet ipsorum monemus primo secundo et tercio et peremptorie in virtute sancte obediencie et sub exeommunicacionis pena, quam predicta canonica monicione premissa in eos et eorum quemlibet ferimus in hiis scriptis, si ea que ipsis et eorum cuilibet in hac parte committimus, neglexerint seu contempserint contumaciter, adimplere districte precipiendo mandamus, quatenus ipsi et eorum quilibet vnus alium non expectans, qui predictum presbyterum uel eius procuratorem super hoc requisiti fuerint, infra sex dies a requisicione huiusmodi inmediate sequentes, quos eis pro omnibus dilacionibus ac monicione canonica assignamus ad vos dominum abbatem et conuentum predictum necnon ad omnes et singulos, quorum interest uel interesse poterit, quoquomodo personaliter accedant et predictas litteras apostolicas et hunc nostrum processum ac omnia et singula in eis contenta vobis et aliis, quorum interest uel intererit, in predicto monasterio et extra et alios, vbi quando et quociens expediens fuerit, denunccient legant et publicare procurent et prefatum presbyterum uel procuratorem suum eius nomine corporalem possessionem beneficii per nos, ut premittitur, sibi collati jurium et pertinenciarum eius. Si quod tempore collacionis huiusmodi per nos sibi facte vacabat, inducant et defendent inductum amoto abinde quolibet illicito detentore alioquin beneficium per nos, ut permittitur, reseruatum, cum illud vacare contigerit, eidem presbytero cum omnibus iuribus et pertinenciis suis conferant et assignent ipsumque faciant pacifica illorum possessione gaudere. Et si illud beneficium in ecclesia collegiata fuerit, eundem presbyterum uel procuratorem suum pro eo in eadem ecclesia recipi faciant in canonicum et in fratrem, stallo sibi in choro et loco in capitulo ipsius ecclesie cum plenitudine iuris canonici assignatis, sibique uel dicto procuratori suo pro eo de ipsius beneficii fructibus redditibus prouentibus iuribus et obuencionibus vniuersis integre responderi, ac alias in omnibus et singulis pertinentibus ad exsecucionem huismodi gracie procedant libere vice nostra. Ita tamen, quod in preiudicium dicti presbyteri nichil valeant attemptare nec in processibus nec in sentenciis per nos habitis atque latis absoluendo uel suspendendo aliquatinus immutare volumus; insuper vt, quod per aliquem dictorum subdelegatorum nostrorum ceptum fuerit, per alium seu alios possit terminari. Et si contingat, nos vlterius super premissis procedere non intendimus commissionem huiusmodi in aliquo reuocare, nisi de reuocacione ipsius plena et expressa in litteris reuocatoriis mencio habeatur. In quorum omnium testimonium et pleniorem roboris firmitatem presentes litteras siue hunc nostrum processum fieri et sigillo nostri vicariatus fecimus appensione muniri. Datum Prage anno domini millesimo trecentesimo quinquagesimo tercio die xiiii^a mensis Junii.

Source Fulltext: PANGERL, Stift Hohenfurth (=FRA II/23, Wien 1865) S. 102-106