Nos Petrus Judocus VIricus et Johannes fratres de Rosenberch vniuersis, ad quos presens scribtum deueniret, volumus fore notum, quod in tabula, que per dilectam genitricem nostram dominam Katherinam de Rosenberch ac nos in modum rose cristalline comparata est, certissime reliquie recondite sunt, que per illustres principes dominum Karolum Romanorum ac Bohemie regem ac per dominum Ludwicum regem Vngarie necnon per venerabiles dominos dominum Nycolaum patriarcham Aquilegiensem ac dominum Arnestum archiepiscopum Pragensem donate fuerunt; quarum quedam per supradictorum principum manus de sepulchris sanctorum sunt recepte, quedam vero sub bullis domini pape per eosdem principes inuente, quedam vero per abbatis videlicet monasterii sancte Braxedis et abbatem Albanensem ciuitatis Romane, relique vero per honorabiles dominos sacristanos ecclesiarum Pragensis ac Pabenbergensis tradite fuerunt, quarum nomina inferius recitabuntur. Et primo in cruce, quam angelus stans supra tabulam tenet, de sacrosancto mensali, de quo dominus in vltima cena cum discipulis suis manducauit. Item dens sancti Johannis baptiste, quem eiusdem sancti ymago stans supra dictam tabulam tenet. Item dens sancti Wenceslay, quem eciam ymago ipsius tenet in manu. Item lapis sepulchri domini. Item de palio beate Elizabeth, in quo filium suum sanctum Johannem baptistam inpregnata baiolauit ac matrem dei salutauit. Item reliquie sancti Petri apostoli. Item sancti Johannis baptiste. Item sancti Andree apostoli sancti Pauli apostoli sancti Jacobi maioris sancti Bartholomei sancti Mathie apostoli sancti Marci ewangeliste sancti Luce ewangeliste; de tunica sancti Petri. Item sancti Wenceslay sancti Viti sancti Adalberti sanctorum quinque fratrum de Boleslauia sancte Ludmille martyris sancti Procopii confessoris sancti Stanislay. Item de tunica sancti Adalberti. Item sancti Georgii martyris, sancti Kalixti sancti Sebastiany sancti Sergi et Bachi sancti Clementis sancti Januarii sanctorum decem milium martyrum, sancti Colmanni sancti Geruasii sancti Erasmi sancti Clenpudii et Darie martyrum, sancti Albani martyris sancti Meginradi martyris sancti Blasii sancti Gereonis sancti Dyonisii sancti Wincencii sancti Pocentini sancti Cristofori. Item de cruce sancte Andree apostoli. Item sancti Martini sancti Nycolai de brachio sancti Thome de Aquino sancti Siluestri pape sancti Galli sancti Othmari sancti Anthonii fratrum minorum sancti Augustini sancti Onofrii sancti Stephani regis Vngarie sancti Henrici imperatoris sancti Nycasii sancti Viti in Senis. Item lapis sepulchri genitricis dei. Item sancte Anne matris eiusdem sancte Marie Magdalene sancte Helene sancte Agathe sancte Lucie sancte Dorothee sancte Elizabeth in Markpurg sancte Kunegundis sancte Affre sancte Heduigis sancte Eulalie sancte Candide sancte Gene sancte Petronelle sancte Juliane sancte Tekle sancte Eufemie sanctarum vndecim milium virginum sancte Walpurgis virginis sancte Hermatoris confessoris. Vt autem deuocio fidelium ad supradictas sacras reliquias validius ac cercius augeatur, nos Petrus de Rosenberch canonicus sancte Pragensis ecclesie ac Judocus Vlricus et Johannes fratres de Rosenberch predicti necnon Thobias de Bechin dictus de Kempnycz sub puritate fidei nostre asserimus et testamur supradictis reliquias a supratactis dominis esse donatas. In cuius rei testimonium sigilla nostra presentibus duximus appendenda. Datum in Chrumpnaw anno domini millesimo trecentesimo quarto in octaua sancti Wenceslay martyris gloriosi.

Source Fulltext: PANGERL, Stift Hohenfurth (=FRA II/23, Wien 1865) S. 111-112